【玩到全身濕晒】VR游水、踩單車 好玩過真嘢！

今時今日，商場展如果只是單單影公仔，已經開始令人發悶。

SY問我:「今日去玩咩呀？」我:「去商場玩單車、跑步，同游水， (SY:商場游水？？真定假？) 去到你咪知囉。」

我沒有說錯，阿囝也沒有聽錯，因為商場放了4台VR運動機，虛擬實境上山落水，楝篤企一樣可以玩到身水身汗，嘩！今日我運動量已經是一年總和。

小朋友發現新大陸般大叫:「爸爸！ 個游水機真係會噴水架...…好得意呀。」

體感遊戲很神奇，因為一個裝置，可以同時感應到2人的動作，你撐左手，抓右手， 電視入面的選手又會跟足節奏，你停他又停。

比賽完結前，工作人員會人手按動裝置的開關鍵，用來模仿水花...…這個就是SY最愛玩這個遊戲的原因...…

有人一見水，就可以放棄衝線，走到螢光幕前，任由H2O快快用力射，十足玩潑水節一樣，整頭盡濕。

工作人員:「你真係似去游完水喎。」

全場唯一比較靜態的虛擬遊戲，就是這個噴漆 DIY玩。

最重點就是一定要手執實體「噴漆罐」，用噴罐揀項目、揀顏色，幫運動衣塗鴉。

其實，與平時用小畫家一樣，只是今次全程要用「噴罐」揀，感覺截然不同。

SY:「爸爸...…我噴得靚唔靚呀？ (我:你平時都唔鍾意油顏色嘅？)，依個都唔同，用依個樽噴架，係咪好靚呢？」

(我手機都可以用S-PEN畫畫啦，平時又唔見你玩)

我最愛玩「越野單車」，本來已經戴了VR眼鏡的好失望說:「我都唔夠高，玩唔到。哎呀！我望左邊、望後面，咁多男人一齊玩單車喎。」

不夠高玩的小朋友， 站在裝置前的大銀幕看我玩...…我:「好玩呀！衝落山好有離心力，衝線又感到有一陣風添。」

SY:「我都唔夠，睇你玩都無感覺啦...…唔開心，我都好想玩呀！」(你鍾意跑步，去隔離跑步囉)

這個又跑又要捉金牌的遊戲，鬥快捉到最多金牌，便會得到森巴女郎頒金牌給你。否則，可能你只會得到銀牌或銅牌。

我問玩完又玩的SY:「你唔攰咩？」， 一邊跑一邊答我的SY:「我頭先攞完金牌，之後又攞唔返..…所以我要再玩，爸爸你影住相先啦，我要玩呀。」

SY專登玩水玩至濕身，而我則真玩而玩到濕身。總次，這個VR巴西運動場可以一口氣燃燒好多、好多、好多卡路里就絶對是真。

「Clash of Sports熱爆激鬥」
日期：2016年7月14日至8月31日
(逢星期五、六、日及公眾假期）
時間：下午1時至晚上9時
地點：MCP新都城中心 2期 L1 天幕廣場

即日消費滿 HK$300 ， 即可獲遊戲通行証一張， (每張通行証可玩2個體感Games)

大仁生活