雖然好多人都會話人不可以貌相，但其實問心嗰句有邊個真係做得到唔在意第一觀感，唔會憑對方長相同身體語言猜想被評者性格呢？而原來咁嘅做法其實都並無不妥，因為不少嘅研究都同時指出人地某程度上，真係會憑您嘅身體特徵去猜測您係個點樣嘅人，值唔值得佢地深交。更甚嘅係對於某啲人黎講，您嘅身體特徵更會係健康嘅一大指標！

咁究竟有邊幾種嘅身體特徵係會為其他人帶來您比佢地嘅第一觀感，例如性格、為人，甚至係健康狀況呢？等我一齊黎睇睇啦！

1. 靚仔就一定係聰明可靠

受到「暈輪效應」呢種以偏概全嘅情緒影響之下，好多人都會認為靚仔嘅人都係聰明可靠，並且擁有數之不盡嘅正面特質。亦因為呢個先入為主嘅觀念，德州大學就曾經發現喺工作場所裡面，外型討好嘅人薪酬待遇都會較其他人好。所以好樣有時真係會著數少少。

2. 睇你張相就知你為人點

喺2009年，一項研究就曾經邀請左志願者單憑照片，去推斷出123位德州大學學生嘅內在性格。雖然相片要求相中人保持中性嘅表情，但無論照片係由邊一個角度拍攝，需要判別出相中人性格嘅志願者都能夠準確咁推斷出佢地嘅個人性格，例如佢地有幾自信、對宗教嘅虔誠度、容唔容易接納其他人意見等。

3. 身高顯示領導才能

為左睇下身高會唔會係人判別一個人領導才能嘅指標，一批歐洲及美國嘅心理學家，神經科學家同電腦科學家就喺2013年嘅一項研究裡面，邀請左47名白人男性及83名白人女性接受調查。結果發現憑相中人性別及臉部長短之下，接受調查嘅人就會推測出相中人現實中嘅高度，再用高度去判斷出相中人嘅領導才能。而且當佢地認為相中人睇落身高較高嘅時候，佢地就會認為相中人嘅領導才能越高。

4. 面部骨骼睇您係唔係衝動嘅人

根據倫敦大學學院行為轉變中心於2013年嘅一向研究，睾酮水平較高嘅人面部都會較為寬闊，並且會有較高嘅頰骨。同一時間，擁有呢類面部特徵嘅男士性格亦都較為衝動，以及用自己嘅身分去解決事情。

5. 表情取決您是否強者


喺一項2015年嘅研究當中，科學家曾經將10張唔同人同擁有唔同表情嘅相片交比志願者，要求佢地以相片判斷出相中人是否可靠、友善、強悍等等。結果發現保持愉快表情嘅，多數都會獲認定為友善而且可靠的，與表情憤怒嘅完全相反。此外，臉部比較闊嘅人則會獲評定為較為強悍。

6. 睇落唔可靠就被看待成罪犯一樣

喺監視兩批由以色列及英國研究員提供，分別為由警察局抽取及由演員扮演不同表情嘅照片之後，唔少接受研究嘅人都表示睇落唔可靠嘅，或者較為似控制狂嘅人會比較似罪犯，例如喺由演員扮演不同表情嘅照片當中，有著憤怒表情的大多也會獲認定為罪犯。

7. 樣子討唔討好決定人嘅生死

同上一個點嘅睇法差唔多，當您個樣望非常唔可靠嘅時候，原來被判處死刑嘅機會亦都會較感覺可靠嘅人高。此外根據同一研究，因為樣貌被認定為不可靠而被誤判死刑嘅數字都有事例證明曾經存在，證明樣貌真係會為人帶來一個影響深遠嘅觀感，可以決定人嘅生死。

8. 臉上皺紋能夠反映心臟疾病

臉上嘅皺紋除左可以透露一個人嘅年齡之外，更能夠反映出大家心臟是否健康。喺一項2012年所進行嘅研究當中，研究人員發現261名較為長壽嘅測試者對比起253名隨機抽樣嘅同齡者，心臟功能較佳嘅女性外貌上都會較為年輕。

9. 眼睛透露健康狀況


當醫生檢查大家嘅眼睛嘅時候，唔少出現喺眼睛上嘅奇異特徵都可以令佢地判斷出您當時嘅健康狀況，例如糖尿病患者嘅視網膜會有機會出現紅點及眼球後嘅感光層上面等。所以一對靈魂之窗其實係可以準確咁反映出大家嘅健康狀況，令醫生一目了然。

10. 手指長度或與患癌機率有關

科學家曾經邀請1500名患有前列腺癌嘅病人，以及3000名15年來都身體健康嘅男性接受研究，並要求佢地憑著照片中嘅雙手，揀選出同自己最相近嘅一隻手。結果發現選擇食指長過或者同無名指一樣長度嘅人，相比起嘅較短嘅人患上前列腺癌嘅機率就只有三分之一。

11. 身高能顯示某些疾病

唔少研究都表示，較高嘅人患上心臟病嘅機率會較低，而較矮嘅人患上癌症嘅機會就會較低，主要原因係取決於兩者所生產嘅荷爾蒙，令佢地能夠有效對抗某一種疾病嘅入侵。