【第348伏】氫水機 (裝修中伏大全)

（網上圖片）

呢篇真係唔share唔得！

買野時，我相信很多戶主都不會去驗明那些認證乜乜是不是真的，以致出左好多奇形怪狀的產品，配合少少語言偽術，基本上連「深呼吸」都可以成為防癌聖品。

在家居展見到部氫水機。版主問，佢同還原水機有什麼關係/分別，個負責人答到一舊舊(佢根本就唔知)。然後版主見panasonic都有賣電解水機，有類似功能(如打散份子同變鹼性水)，就打去問佢嘅技術部，問究竟個科技係乜同有什麼功效。

國際品牌，呃我好大鑊。

佢答左半個鐘，都只係敢話「啲水會好飲啲」、「可以用嚟洗農藥」而唔敢做那些「有病醫病」的health claims。當我問得更深入，化療同鹼水會否相沖，佢仲表明水機和醫療係冇任何科學上的關連。

我諗，科技嘅野，真係願者上釣。

但奉勸戶主們一句，推介一樣野，請負起責任~ 對於你自己唔了解嘅，買左，再自動做埋人地「下線」，再sell俾朋友，當有呢啲新聞出嚟嘅時候，又豈是「呢啲係間廠負責嘅」能夠推諉，你又點對得住佢地呢？

PS：關於還原水機的功用，版主仍然在收集「真正戶主」的使用報告。版主曾經以身試水，但可能唔夠長期、或者期望太高，功效未見，所以未能分享成功報告。