首先呢份CV 係社福界，唔關我事，只係一名資深社福界阿頭話收到份咁既CV，相信佢係玩Pokemon Go玩到傻左，錯手換左自己張大頭相變左隻「小刺蛋」。

呢位阿頭同我講，唔打去提佢又驚佢之後無interview搵唔到工，打電話或者Email提佢又唔太方便 (9月4號立法會社福界選舉，社福界高層盡量唔打電話或出Email俾陌生人)，問我點樣做好？　

我既答案就係搵個假email send去提佢囉，呢位社福界朋友又話驚有其他人錯換左自己cv相，希望幫到更多人，咁我就順下佢意，喺度提醒各位candidate，玩Pokemon Go 無問題，下載小精靈既相都無問題，但寄cv前記得check清楚先好寄。