【唔駛坐飛機】6小時環遊世界！玩轉地球村

今日我跟SY說:「爸爸帶你去環遊世界啦！」， SY:「吓？ 我唔想， 我唔鍾意搭飛機」

放心...…今次環遊世界不用坐飛機，只要去坐挪亞方舟就得。

首先，到德國學手風琴。其實，我只知德國有大肉腸，原來手風琴也是名物。

不過，當年阿太迫SY練鋼琴，小朋友已經對電子琴有少少戒心，幸好今次的民族歌謠已經算非常簡單， 彈二、三次已經可以成曲。

我問SY:「你感唔感受到德國傳統節慶文化？？」，SY:「咩化？ 依個琴就係德國嗱？ 咁之後去邊？」(亞馬遜)

SY:「去見幪面超人亞馬遜？ (我:唔係！ 係熱帶雨林騎馬)，我想去，騎馬一定好玩過彈琴，快啲啦...…爸爸。」

神秘的亞馬遜，果然名不虛傳，連大人亦可以齊齊騎電動動物車...…

我:「點解我揀嗰隻唔郁嘅？」

阿太:「你係咪重得滯？」當我換了另一隻動物，我:「得啦！！ 頭先嗰隻唔夠電呀！」

太:「係咩？我同阿囝兩個一齊坐都郁，可能我夠輕呀！ 」

其實，我真的肥了不少，無辦法，每晚一邊食宵夜，一邊寫文...…

體重由130直逼150，連自己也覺得可怕。所以，近日不停行來行去捉精靈，就是我瘦身的第一步啦。

小朋友騎動物騎到不願離開，而肥仁則汗流浹背...…還是去到室內， 嘆住冷氣睇「亞洲廚神奇趣劇」。

兩位廚神，足以令全場小朋友笑到震天...…因為又有魔術，又有雜技，又有互動。

SY:「多啲魔術就好...…好似街頭魔法王咁多就正」

搞鬼真人騷過後， 我們又從亞洲飛過蘇格蘭學打鼓.SY:「點解要著裙嘅？」

因為傳統慶典的儀仗服呀！愛跑，愛嘈，愛發狂就是阿囝的名字，所以搞鼓發洩，SY真的有點似郭富城套「殺人犯」內譚真一的眼神...…

鼓手是不是很好玩呢？ 作為老仁也想試一試戴上「家有喜事」何里玉的假髮，齊齊隆隆隆，隆隆隆...…

老實說，發洩過後，心情果然似捉到比卡超一樣...…非常HIGH喎。

之後就是非常靜態的「印第安變臉工作坊」，一家三口齊齊手製一頂印第安頭飾...…戴住有點似我昨日捉到的大舌頭般傻。

要成為印第安土著，當然要再畫上彩臉，瞬間酋長....…得咗. SY:「額頭紅色係損咗呀！！」

之後自製「日本風情扇」，金魚仔我第一眼已經覺得似歐陽震華。

肥啫啫...…一屋美人魚囉。

最後「百變『萌』族自拍區」，小朋友可以穿上不同民族服裝，即場Selfie！

西班牙鬥牛勇士，身為爸爸當然就扮隻牛。6小時環遊世界遊戲亦完滿結束...…

小朋友們在巴士上依然精神抖擻，而老牛則一覺睡至落車，原來環遊世界後，陪玩的大人是更加攰喎！！

挪亞方舟「玩轉開心地球村」
日期: 即日至8月28日(逢星期四至日)
地點: 香港新界馬灣珀欣路33號

詳情:http://www.noahsark.com.hk

入場費: 凡進入挪亞方舟人士需繳付入場費，成人HK$168；小童及長者HK$138

大仁生活