【免費玩VR】非洲捉兔、影野獸、玩滑翔傘：勁上癮！

捉精靈會上癮， 玩VR一樣！

SY一聽到今日又挑戰VR，雀躍得大叫:「爸爸！ 快啲去啦...…」(食埋晏先啦...…大佬！！我好肚餓呀！！)

嘩！！今次德褔VR以非洲探險做主題，三款虛擬實景歷險遊戲，大家可以完全免費玩。

BB級: 吉普車上鬥快影動物 (身高要求: 120cm)

SY:「好攪笑呀！車上面可以搖嚟搖去架...…好刺激， (咁唔駛戴眼鏡， 你自己搖都得囉喎)，咁又唔得。」

在非洲大草原，只要找齊6款野生動物，每款動物鬥快影張靚相，便算過關。

SY:「我影齊啦，Easy Job呀！我得到第三名，爸爸，影完相，不如我揸車，你坐我車，我車你去迪士尼吖。」

(似乎這位小朋友愛駕車，多於影相喎。)

好玩度:★★★✰✰

中量級: 獨木斷橋捉兔仔 (身高要求: 130cm)

SY:「又話捉兔仔...…點解會帶咗我去大瀑布， 同大森林嘅...…好真，好驚架喎！」

因為，今次遊戲是參加者化身成大麻鷹，所以要飛越所有大瀑布，高山低谷才變回人去吊橋捉小白兔囉。

SY:「哥哥，如果我跌咗落吊橋仲捉唔捉到兔仔呀？」，工作人員:「咁就GameOver，而且仲會感受多次跌落大峽谷嘅離心力添。」

我搶答:「咁一陣我想跌落去試下喎， 好似仲好玩過捉兔仔」

好玩度:★★★★✰

勁量級: 衝上雲霄滑翔傘 (身高要求: 130cm)

這個是三個VR遊戲中最刺激的一款...…因為畫面實在太真實，所以玩滑翔傘的快感，我想起碼有50％忠實還原。

因為兩部大風機會在你左右兩邊源源不絶吹出強風，而鞦韆又會不繼搖晃。所以，最初有人非常驚:「我都係睇爸爸玩先呀。」

考方向感， 考平衡力， 考膽識， 最後要成功降落在湖面中的小浮島才算贏...…

我:「哎呀！ 我差少少呀！真係好好玩。」

觀摩完之後的小朋友，即時走上鞦韆椅，一玩便玩了兩次，不停:「哎呀哎呀！好高呀...…好快呀…...降落唔到嘅。」

最後玩到不願走的又是他...…

於是我出絶招:咦…...原來有車厘龜、大舌頭、皮皮...…咁多精靈捉喎～」

精靈一出，所向無敵...…估不到德福真的如此多精靈喎！！

好玩度:★★★★★

活動期間， 大家只須上載「Safari場景」照片至Facebook， 並hashtag 「SmarTelford」， 即賺「1000 Smart $」. 即時可參加其中一個VR 遊戲。

「VR Safari虛擬實景大歷險」
日期：即日至8月28日(VR遊戲由7月29日開始)
時間：中午12時至晚上9時
地點：德福廣場一期中央展場

大仁生活