【$8抹茶泡泡】仲好食過「五層流心朱古力芝士包」！

一月初，食過尖沙咀「麥上日光」的五重芝士包，驚為天人……食到舔埋隻碟。

雖然有人質疑， 究竟店舖是來自奧地利，還是國內呢？ 有同事說:「哎呀！！...咁你仲敢食呀？」 不過，我不作深究，因為好食大過天。

本月初，店舖又在灣仔開了分店，而且竟然開在軒尼斯道大街，後台之強勁，可見一斑。

分店還加了4個座位，2張小木枱...…我一走入店內即時對囝說:「正呀！有冷氣，可以坐低慢慢食啦...…如果好似尖沙咀嗰邊要外賣，真係熱死。」

灣仔分店，獨家新口味「五層朱古力芝士軟包」$28/個， $100/4個。

半年前要在店外排隊，等足30分鐘。今日不用輪候，而且大量現成貨等你買。

Cream cheese澳紐貨，形狀和之前的芝士包一樣，不過今次軟包不是沾奶粉，轉了滿滿可可粉。

咬了兩口的SY，被大量可可粉嗆到:「太多咖啡粉，好濃、又苦，無之前嗰個芝士包咁好食。」

其實，因為朱古力芝士醬比較淡口，所以要靠包外沾大量可可粉來添味，所以苦得小朋友以為是咖啡粉。

可是芝士味太搶，所以只是顏色變了，實質「朱古力味無定企」...…

朱古力怪SY今日也放棄了整個包，只咬了數口便說:「爸爸，好彩你有買杯汽水畀我咋...…我唔食啦，畀你食啦」

反而店內另一個「抹茶泡泡」$8，更得人心，上層似菠蘿包，大小就如一個叉燒餐包，內裡注滿忌廉芝士。

SY:「嘩！ 好食過頭先個包好多...…直情係芝士撻嘅芝士，流心呀！爸爸，我想食多一個，有荔枝味添喎。」

驚喜可能因為沒有期望，而且$8有如此濃郁的芝士，感覺抵好多。

PS: 五重芝士包，如果可以提供刀、叉，會食得更好。因為連潔癖的我，也食到枱又是粉，凳又是粉，雙手、嘴角全是可可粉，很難服侍喎。

麥上日光

地址：灣仔軒尼斯道338號北海中心地下C舖

營業時間：8am-9pm

大仁生活