好多人都會話出街食野唔乾淨係預左，但其實咁樣嘅藉口點講都講唔通，因為確保食物質素及餐廳潔淨根本就係一個非常基本嘅要求，係有良心餐廳必須具備嘅其中兩項條件。
雖然保持潔淨係食肆應有嘅營運態度，但好多時候因為餐廳疏忽，不潔嘅食物就會喺失誤嘅情況下送到客人手中。咁作為消費者嘅各位，其實最怕係喺食物中搵到邊一啲物件，甚至乎係生物呢？！
1.曱甴
食到昆蟲其實已經好驚，曱甴更甚。如果好似上面呢位朋友咁發現活生生嘅曱甴喺食物入面，真係當堂跳起嚇死左。而除左發現活曱甴得人驚之外，另一個可怕的情況就是曱甴在您吃下幾口食物之後，發現半隻曱甴。呢個一定係所有人最唔想見到嘅恐怖情況！
2.老鼠
另一樣無人想意外食到嘅生物，就係超級污糟嘅老鼠！可能你會話：「老鼠咁大隻，點會咁都發現唔到呀？」唔係呀講真架喺美國加州，就曾經有人發現自己點嘅一舊炸雞竟然係老鼠型態，之後仲獲餐廳經理檢查過後確認真係一隻特大大炸老鼠黎！所以真係乜野情況都有機會發生架！
3. 煙頭
宜家可能會少啲機會發生，但喺例如大排檔等食飯嘅時候或者就會因為廚師喺露天工作，心癮起食番枝煙又唔小心就會將煙頭跌左落食物入面，非常唔衛生。
4. 紙巾
食食下啲有湯有汁嘅野撈撈下，誰不知竟然撈出一條紙巾！咁究竟自己食緊嘅會唔會係二手湯，或者係隻碗根本無洗過呢？？？！如果無放入口咬到還好，放左入口發現原來唔食得拎番出嚟睇就真係即嘔。
5. 刀
廚房乜野嘅器具都有，而其中一樣就係刀。除左刀片有機會喺員工一時大意掉入食物之外，大頭蝦上嚟有人仲會將成把刀當成係三文治餡料咁夾埋入去個包入面。唔係作大架！之前喺美國紐約就曾經有人喺食三文治嘅時候食到一把刀，仲界傷埋佢個口添！
6. 膠手套
除左食物入面有可能夾左把刀咁誇張之外，膠手套都係另一樣經常被發現遺留喺食物當中嘅廚房用具之一。例如喺本港，有連鎖餐飲集團旗就曾經被揭發重複違反相關規定141次，可見膠手套都係其中一樣有機會出現喺大家食物當中嘅核突物品！
7. 藥
如果喺自己叫嘅食物當中發現殘餘藥物，本能反應就會覺得會唔會係有人想迷暈自己，圖謀不軌。此外，亦都會令人聯想到餐廳員工係唔係喺工作時間內「Take 野」，兩樣都並唔係好事。
8. 針筒
除左藥物之外，針筒突然出現喺食物上面或者入面，都係嚇死人之餘更會令人飽受精神壓力，需要立即衝去醫院檢查先可以安心。而早前喺香港，就有食客發現喺自己所叫嘅菠蘿包上面插有針筒，真係好唔衛生之餘，更會令人留下心理陰影架！
9. 避孕套
您可能會話有冇可能會喺食物入面搵到避孕套呀？但真係唔好掉以輕心呀……因為世事真係乜都有可能！喺瑞士當地，就曾經有一個小妹妹喺食兒童餐嘅時候，被媽媽發現食物裡面竟然有避孕套！真係無職業操守到嚇死人！
10. 人血
叫左個包係有蕃茄汁或者係甜醬，但硬係覺得個包裝紙上面嘅痕跡點睇都係血跡而唔係醬汁顏色？咁或者係有處理你份食物嘅員工係製作嘅過程中唔小心切到手！對於自己手上嘅食物有咩疑惑，或者真係第一時間拎番去問清楚好啊！
