香港Oreo嘅口味，嚟嚟去去都就係原味、藍莓、士多啤梨、花生幾種，都無咩限定嘅特別味道推出。但您又知唔知道喺外國等唔同地區，Oreo嘅口味其實係千變萬化，有啲可能您聽都未聽過。就等小編為您介紹10款外國獨有嘅Oreo味道，等您地有得睇無得食啦！
▼ 焦糖蘋果味
焦糖蘋果呢個限量口味，原來係美國獨有嘅！每逢去到秋季，即係萬聖節即將來臨嘅時候，焦糖蘋果味嘅Oreo就會好似南瓜口味一樣喺超市上架。
▼ 香蕉船味
同平時嘅Oreo唔同，佢一塊夾心餅就會有兩種顏色嘅Oreo餅，而並非全黑或者全白。而喺香蕉船味嘅Oreo當中，夾心亦都係由兩種口味混合而成。食一塊就好似食左香蕉船雪糕一樣啦！
▼ 雜莓雪糕味
除左香蕉船雪糕味之外，原來佢地仲有出過雜莓雪糕味嘅呢！相比起我地香港單純嘅士多啤梨味，聽起上嚟好似更加有層次。但對於雜莓雪糕味嘅Oreo，外國網友嘅反應似乎就非常兩極，或者你都係要親自試下先知適唔適合自己喇！
▼ 雲呢拿橙雪條口味
雲呢拿橙味雪條本身已經係好好食，亦因為咁將一樣嘅口味製作成Oreo，網友都一致非常受落，大讚係Oreo其中一款好好食嘅特別口味之一。
▼ 椰子朱古力味
對比起我地成日見到硬梆梆嘅Oreo曲奇，呢種椰子朱古力味卻強調好似軟糖蛋糕咁嘅口感。但對於呢款特別質感嘅Oreo，網友就覺得食落其實怪怪地，唔似軟糖蛋糕不特止，仲好似痴立立嘅朱古力一樣頂胃。睇黎都係原本嘅曲奇餅較為受歡迎呢...
▼ 青檸汽水味
喺幾年之前嘅一個夏季，外國Oreo就突然推出左青檸汽水味，令唔少網友都嚇左一嚇，覺得佢地出到走火入魔。雖然青檸汽水味嘅推出某程度上令唔少外國人震驚，但由於推出時間處於盛夏，因此都有為數唔少嘅網友覺得佢出得幾合時宜，仲覺得真係好似青檸汽水一樣好好食添
▼ 沙示汽水味
沙示汽水喺香港無其他汽水咁受歡迎，所以如果嚟到香港出售，應該就無咩人會有興趣試食喇... 但對於外國網友嚟講，沙示汽水味嘅Oreo簡直就係佢地嘅童年回憶，所以亦都係其中一款非常受歡迎嘅特別口味之一。
▼ 西瓜味
西瓜口味如果能夠喺夏季發售，其實應該都會幾受歡迎。而根據外國評價，西瓜味Oreo味道清新，而且雪凍左嚟食仲會特別好食咁話！
▼ 提子香桃味
提子同桃放埋一齊諗落其實都好古怪，但偏偏喺中國，當地就有呢中奇特嘅Oreo出售，令人好難想像得到究竟味道會係點。
▼ 抹茶雪糕味
抹茶係唔少人喜愛嘅口味之一，亦都因為呢個原因，中國就曾經推出嘅過抹茶雪糕味嘅Oreo。味道應該會非常容易接受，而且值得一再回購啦！
