【好過去海洋公園】旺角海綿寶寶「夏」水祭 ．最緊要免費！

跟「海綿寶寶」玩遊戲，又怎要花數百元去海洋公園呢？ 因為旺角新世紀一樣可以見「海綿寶寶」，而且最重要、最正就是免費！！

商場地面中庭，5大影相位，而且每逢星期六， 真．「海綿寶寶」更會走出來，跟大家抱抱集郵...…(所以根本唔駛山長水遠入香港仔啦。)

主角一出場，兩位小朋友即時飛身擁上前...…

SY拉實寶寶手:「點解佢隻手唔係海綿嚟嘅？」豬仔又攬實寶寶:「點解海綿寶寶唔講嘢架？」(如果我係入面扮海綿寶寶嘅工作人員...…我都幾驚E兩位哥仔)

大約15分鐘後，「海綿寶寶」要離開...…

SY忽然對我說:「我前幾晚發咗個夢，明明玩玩吓迪士尼，突然變咗海洋公園個鬼屋...…好得人驚。」

(只怪4年前萬聖節，我帶給他的陰影，從此阿囝就好驚OP。)

SY:「爸爸！我頭先幾驚你又帶我去海洋公園呀！ 」放心...…商場仁比較鍾意帶你去免費活動！！

一向沒有膽玩過山車的兩仔爺，今日就坐個假的車廂，扮玩過吧！！

(畏高的小朋友，同一個玩完必嘔的大仁，真．刺激玩意，一啲都唔啱我哋嘅。)

活動標榜「夏」水祭， 但哪裡來的水呢？？

有...…！WeWa撐船仔，而且平日去WeWa玩也要數十元， 今次「免費」！！

只要大家到商場L3樓層，作任何消費，即使一支水或一個麵包也可以，憑一張收據便可以玩2個室外遊戲。

SY與豬仔興奮釣水母， SY:「好舒服呀！啲水涼浸浸， 我釣到啦...…豬仔，你釣唔釣到呀？」

可能豬仔的魚竿有問題，於是我便叫他:「用手攞啦...…」SY:「爸爸！用手攞真係仲舒服呀！」(玩水真係小朋友的至愛喎！)

另一個遊戲便是會令人非常辛苦的「漢堡包鎚鎚鎚」， SY問:「爸爸！ 你睇...…一啲都唔辛苦喎」。

我:「你梗係唔辛苦啦，我話幫你執嘢嗰位姐姐最辛苦呀」。

室外第4個遊戲，意想不到這個彈床，竟然連大人也一定可以走入去跳跳跳...…Yeah！！

雖然，對大人來說，內裡似有點小人國的模樣，但一樣可以入樽，而且有小朋友不停彈彈彈、震震震，感覺也很不錯喎。

【海綿寶寶泡泡「夏」水祭】

MOKO新世紀廣場
日期：7月9日至8月28日

抱抱會: 逢星期六 13:30 ~ 15:30

大仁生活