邱美薇《純熟意外》扮死屍 嚇親媽咪

女藝人邱美薇Chelffy日前演出TVB劇集《純熟意外》一角，於劇中需要扮屍體於殮房雪櫃中瞓黑膠袋。講到當時瞓黑膠袋有甚麼感覺，Chelffy 説：「廠景個冷氣本來已經好凍，導演亦很有耐心教我扮屍體要控制呼吸，並非瞓響度就算。不過可能我太攰，所以真係瞓着咗，結果cut 咗機都差啲唔知。」

Chelffy 表示播出當晩正是媽咪食生日飯，因此播出期間媽咪也不斷收到whatsapp圖片嚇親。她說：「我哋食食下飯，媽咪個whatsapp 就收到佢d朋友們的cap 圖話:「你個女死咗？」嚇到佢即刻話我大吉利是，好地地又無啦啦走去扮死屍！」

被問到如何氹番媽咪，Chelffy 笑言：「老人家對哩啲嘢敏感好正常，所以我都係錫番佢，並向佢解釋自己是專業演員，要扮演死傷的戲份好難避免，我只係做好本份。佢亦有關心我拍哩啲有冇收利是。」