對於PSP機迷來講，由Spike開發嘅《彈丸論破》系列相信唔會感到陌生。而距離前作推出兩年之後，佢地決定再推出外傳新作《絶対絶望少女 ダンガンロンパ Another Episode》，不過新作今次竟然唔玩推理ADV，改以動作遊戲模式進行，究竟今次搞乜鬼？！大家就要等到9月25日遊戲推出，就可以知道黑白熊又有咩新搞作。
今集故事將會以第一集主角苗木誠之妹、亦係全新角色嘅苗木困。再加上第一集女角之一、身兼文學少女及殺人狂於一身嘅腐川冬子為主角。係遊戲中佢地為解開城市被邪惡黑白熊入侵之謎，手持可以當槍用嘅擴音器型駭客攻擊槍及殺手本能，齊齊係絕望之中殺出希望之路！
而遊戲雖然改成動作遊戲玩法，但每個版圖都存在著唔少機關謎題、等用家唔駛一味得個打字咁悶。例如苗木困就可以利用手上擴音器，發射有唔同功能嘅言彈，有啲可以推動大型物件、當成閉路電視觀察敵人行動，甚至操蹤敵人做自己擋箭牌！
不過成個故事接著係二代之後，究竟重要點樣接返著去？咁就要到9月25日先知喇。
