「淘」出生天！ (裝修中伏大全)

常有人問：XXX應唔應該淘寶？XXX淘寶有冇伏？

其實無論淘寶還是天貓，都一樣十面埋伏。

但一般來說：「你識得淘咪冇伏囉！」

今早在「上水人大聯盟」群組看到網友分享，RMB7500更換全廳傢俱連裝修。

網友說，選用的傢俬用料確係麻麻，應該三兩年貨仔玩完。但其實淘寶也有好質料且可訂造，但安裝成本往往會令戶主得不償失(新手淘訂造傢俬幾乎實諗漏野)。大家可以按自己的能力和情況作取捨。

至於裝修，版主用的是跟 裝修資源中心 之前介紹的韓國牆貼相仿的淘寶貨，看來效果相當不錯！之後有沒有甲醛或變黃等問題，尚有待分曉，但戶主俾左一個好正的貼士大家：

「使用DIY牆貼，須配射燈才靚！」

圖左VS圖右是效果分別。有上過來裝修資源中心參觀的朋友也見識過。在沒有射燈的昏暗環境下，牆貼的確會感覺「膠膠地」，有射燈，就會變成一幅非常proper和有feel的特色牆！

而最重要的，是施工費 = $0！