【限定2個月】齋燒鵝班戟 + 蛋卷紫薯雪糕 = 好食到甩牙！

大窩口京林屋Idea Desserts有新攪作，上星期有街坊告訴我:「27號起佢哋竟然有蛋卷雪糕、齋燒鵝肉鬆班戟...…」(嘩！好爆...…我第一日就要嚟食先得)

4個月前過來試綠茶，無緣與老闆Parco見面，今日更得到老闆親自下廚，Parco:「我哋同華園合作推三款新甜品，你哋想試邊款？」

因為兩仔爺都愛食蛋卷，所以揀了兩款有蛋卷的櫻花薯下($48) 及3吋鬆鬆餅($48)

Parco:「我哋三個月前傾， 但一直有啲味道過唔到自己，例如我試咗好耐，先覺得班戟入面放肉鬆，沙爹肉片夾紫菜，味道最夾。」

其實， 我第一次食內有餡料的班戟，一般都是饀料後下塗上面便算...…單單見老細煎夾餡班戟要注意燶唔燶，就比平時煎純班戟辛苦得多。

這款甜品再跟鹹焦糖醬、芒果醬，及Logo的朱古力醬，SY:「點多D醬梗係好食啲啦」我:「我頭先以為鹹焦糖醬係鹹，原來都係甜喎…...(SY:係呀！好食呀)」

一定要點醬， 因為肉鬆班戟感覺似鹹食， 除了伴醬， SY當然不停伴雪糕， 而班戟附了三粒齋燒鵝， 加雪糕食更正…...

SY:「水呀！水呀！好辣好辣」(咁先夠衝激)

而今日最攪笑...…有小朋友食軟腍腍班戟，都可以食到甩牙，SY一邊笑一邊說:「佢本來都係鬆鬆地...…」

(店員姨姨:畀杯冰水你，同埋你大啖順便食雪糕就無事啦)」(又係喎，食雪糕甩牙，Timing夾晒)

之後來的7層櫻花薯下($48)超靚， Parco:「你都覺得靚？依款係三款中我諗得最快，華園本來叫我夾齋燒鵝，但味道太搶，所以我改用辣味花生，麥記新地都係夾花生嘛。」

其實， 情侶拍拖過來食飯後甜品， 2人叫一杯櫻花薯下已經好飽， 因為大大份紫薯布甸壓底， 加少量雪糕， 之後4份一杯蛋卷碎， 再配紫薯吉士， 面層再添滿高高雪糕…...勁！！

食到一半， SY:「紫色好靚！不過...…爸爸我好飽啦」如果要比較，「櫻花薯」下更勝「鬆鬆餅」，因為紫薯配辣花生，愈食愈開心，可能 「鬆鬆餅」太飽， 下次多幾位朋友來，試勻三款限量甜品先得。

Idea Desserts
地址 : 荃灣荃貴街10A號富麗花園商場A座地下13B及15號鋪
時間 : 周一至四: 3pm-12:30mn 周五至日及公眾假期: 1pm-1am
華園限定三款甜品至8月31日

大仁生活