車主把汽車送往車廠維修的時候，原來有可能在不知情的情況下，被第三者駕駛；一名網名Clement Ws的車主昨天中午，到尖沙咀海港城某車展踩場，並直斥代理的英之傑集團公司和車廠質素欠佳，奉勸大家切勿惠顧。
據上傳者Angel Wong憶述，車主在現場對車展職員進行大控訴，表示自己早前曾經把私家車送到原廠修理部維修，但當他取回汽車後數天，有警察上門並指其車撞傷了一名婆婆；原來這件交通意外發生在維修期間，疑是維修技工擅自駕駛汽車和闖禍，車主對此非常憤怒，遂在車展場地告誡其他人，以後不要惠顧英之傑集團。
▼車主批評英之傑集團的服務。
▼車主到尖沙咀海港城某車展踩場。
▼車主上傳的私家車車身情況。
▼車主上傳的私家車車身情況。
▼車主上傳的私家車車身情況。
不少網友支持車主：
Sam Pang 我支持車主。。
Wong Moon 車主好型仔。
Chun Yip Chiu 如果咁過份我撐車主搞大佢
Gavin Wong 如果警方信車主，車主就唔使係度嘈啦！
To Ip 個重點係架車攞左返廠整，要警察上門拍門先知架車曾經撞倒人，比你嬲唔嬲？
DavidKorhenn Yu 車主做得岩呀，比著我拎部車去車廠整完無啦啦比人定性左變事故車重要無厘頭咁比好人煩到自己，比我都會過去大大聲咁落班人面呀！！！
Rocky Chui 這個車的主人一定受了很多，冤屈氣，賽會發爛！
一架新車從第一日開始，這架車的保險，就會和車主連在一起，它是不能逃避責任的。如果事實是真的話，真的比維修公司害死！！
亦有人批評代理公司不負責任：
Leonardo Chan 我拎架車黎整，你就拎我架車去渣 仲撞到啊婆，乜野代理可以修理可以修到咁7
Wah Lau 沒人性的車行，撞死人又不負責任，沒人性的品牌，仲有人會買嗎？
不過，有人卻認為代理公司亦可能被蒙在鼓裡：
Rodman Ray Chow 如果無掛T牌，而車廠又懶皮，就車主食哂。而且撞到人唔通知太過份，換著係你都嬲啦。。。
Priscilla So 架車拎去整一定有收車紙同取車紙，全部車行有曬紀錄，車行一定冇得賴...
Darndo So 但是警方追查起來，車行再難抵賴，車主一定有相關文件証明汽車在維修中，駕駛者可能要涉及刑責。
Danny Chiu 係維修期間發生交通意外係車廠問題，車主應該無責。而車廠在發生交通意外後無第一時間通知車主，有可能車廠唔知，有機會係d維修技工偷偷揸出街，又唔敢報上去。
Icarus Lam 唔一定用T牌，你架車行車證ok，就唔需要架啦。而維修技工又唔一定偷渣架車，整完有機會拎去試，咁就會渣出去。
不過撞完人唔出聲又真係過份
Clement Ws曾在5月30日發出交帖指：「請問於上星期六黃昏4-6pm有無車主拍攝當時全白色Landrover-defender於華景山莊燈位附近撞到途人一幕？」並解釋自己是這宗交通意外的苦主(報䅁編號16009703)。
資料來源：Angel Wong、香港突發事故報料區、Clement Ws
