【贏晒油尖旺】真係街坊價：$15 嘆真鮮手卷

去「松坂庫」食過2次雪糕，想不到...…今日竟然變得更精彩，雪糕拜拜，改賣即叫即制手卷。

SY:「爸爸！！ 真係無咗雪糕賣喎...…壽司有冇元氣咁好食架？」 (依度只有手卷咋喎， 無壽司呀)，都好吖。」

我想食馬糞海膽， 半板都只是$45！可惜店員答:「唔好意思，尋日攪活動，10板全部賣晒，要等今晚先會返貨。」

(吓？？ 好失望...…睇相好似好肥美咁)

其實，我最初沒有期望，因為心諗:「睇個款都係爭鮮質素啦...…」

所以，只有SY點了兩個手卷及阿太的明太子沙律($18)。

透明玻璃窗，可以全程望到師傅在包手卷，感覺又很不錯。

到手卷登場，SY好高興的咬咬咬，又不停叫:「好味！！」我也忍不住吃了一口。

嘩！鰻魚($15)不會化，明太子又鮮，三文魚腩只是$18，每份手卷都有三件肥美魚肉，新鮮程度超越元氣啦！絶對真．鮮，而不是爭鮮喎！

阿太:「我之前都以為流流地，原來好掂！依個明太子沙律好少地方有得食，以前得淘大一間壽司舖有得食，估唔到今日仲好好食添喎。」

阿太望到旁邊有人食原隻蟹黃， 她又點了來吃。

「真係好甜好鮮，好足料，不過好攪笑，有粒冰係個殼入面嘅。」(保鮮用架？？)

我見好食，當然我也要追加，於是來了一個賣相超正的「松坂Max~ 油甘魚+三文魚+吞拿魚+蟹秄+金箔」($28)！

這裡的手卷，米飯是我最愛的暖和溫度，魚肉挺身得來又甜又彈牙，所以這款雜錦配搭，簡直超滿足的平食之選～

尖沙咀地區，可以用九龍城街坊價，嘆到如此質素的手卷，贏盡油尖旺啦！！讚爆！！

松坂庫
地點: 尖沙咀金馬倫道35號地下
手卷供應時間: 每日1pm-10pm

大仁生活