【文青打邊爐】超正全椰子宴～甜到入心

今晚天時地理都好配合，因為屋企附近正正新開一間文青火鍋店。

步上樓梯，SY大叫:「爸爸！係咪去咗圖書館呀？又話打邊爐？」(扮文青吖嘛，你估真係圖書館咩？)

今晚我們來一個椰子宴， 原味椰子雞鍋（$238/隻）

我:「原來椰子湯底香得咁緊要！！」

SY:「點解有個漏斗係度嘅？」店員答:「將啲文昌雞放入煲，之後用嚟計時，7分鐘啱啱就係個漏斗嘅時間。」(嘩！原來打邊爐都咁Pro)

店員:「夠時間，你就叫我哋嚟撈起啲雞先，如果唔係驚啲雞會變老。」

椰子湯超香，又甜，真的好飲到會笑！

平時奄尖的媽媽竟然也大讚:「海南走地雞真係唔同啲，雞肉唔會化開，唔同街市嗰啲雞『鞋烚烚』。」

一口椰子湯，一口雞，仁生一大快事...…正！！

黑松露龍蝦煲仔飯（$238），驚人的龍蝦份量，香噴噴的黑松露，我根本不用再加豉油，飯底吸收了全部精華已經超惹味！

有人一邊看「學是學非」，竟然電視送了兩碗飯，再說:「爸爸，我想食多半碗.…..(我: 2碗半飯？？究竟係煲仔飯威力，定係湯洛雯功勞？)，我鍾意森美！！)

椰子宴當然要飲椰青+椰皇啦 ($28)，不過小朋友要Magic，所以飲了提子加檸檬的魔法特飲($35)...…

(少年...要飲，梗係飲天然椰皇最消暑啦。)

究竟是椰子湯的威力，還是火鍋配料同樣鮮甜呢？

粟米($22)、日本直送野菜藍($49)，全部都變得超甜， 超好食...…難怪以前，滔滔日日電視話:「打邊爐湯底最緊要！」

佐賀A5牛肉眼（$198），絶對送你一瓣的「雪花」，嬌嫩到爆，好食到想唱:「望 任意望， 和牛已在你在你口裡 在發光」。

最後甜品也來一個椰皇布甸($38)包底。SY:「好奇怪...…點解布甸好似啫喱嘅？」(咁咪仲啱你囉， 你咁鍾意食啫喱。)

用椰青水變成的「布甸」，絶對又美麗又涼快啦！！

囝:「爸爸！ 你食得咁快嘅？ 不如叫多一個啦...…我想睇埋Sunday好戲王呀。」(返屋企睇啦...…囝)

四季文昌 CoCo Kitchen
地址: 旺角荔枝角道33號百匯軒地下及1樓全層

大仁生活