「父親月」帶埋阿囝去玩到癲 @ 太古城中心

上星期六，有PR姐姐邀請我們到太古城中心， 她說:「有一個『父親月帶爸爸食買玩』的活動， SY仲可以有一個鐘學踢足球，之後再逛逛商場囉。」

心諗:「發達啦！！ 有專業教練幫SY放電一個鐘...…正呀！」SY知道後答:「好嘢！終於可以踢波， 爸爸你都唔陪我踢。」(一直都想踢波的阿囝， 可惜佢有個唔運動嘅阿爸。)

聞說今日的導師，正正就是車路士足球學校的教練。我最初估計一個小時，SY可能30分鐘就捱不住...…結果...…

今日課程，首先由用手搶波，到練習用腳，帶波訓練，到聽指令控球，小朋友竟然愈玩愈開心。

阿太:「你睇下你個仔玩到笑晒，佢真係好似好鍾意踢波喎」(係囉！！ 全程彈下彈下添)

之後的射龍門及分組鬥波環節，雖然未學習過足球的SY，戰戰兢兢之餘，又真的興奮去踢每一球喎。

最後， 教練給每位小朋友射兩次12碼作為結束整個課程...…

冷氣商場踢波，竟然可以全身濕透，依依不捨的SY:「真係好好玩呀！爸爸...…有冇得玩多次呀？」

訓練所就沒有了，但玩射球過三關就可以，因為這是大會的公開活動。

任何人只要排隊就可以玩，但不要說過三關，如果能夠入到一球，已經算是高手...…非常難入的洞。

同場還有巨型大足球及3D守龍門攝影區，我問SY:「過三關好唔好玩呀？」

阿囝答:「梗係踢波好玩好多啦，我鍾意好多人同我一齊踢波。」(奇怪，我哋兩公婆都唔睇波、唔踢波，點解阿囝你會咁Like呢？)

說好的食買玩，第二站便是到adidas購物，SY問我:「爸爸！ 你父親節想要咩禮物？」

我:「我想要Bearbrick， 不過adidas一定無啦」，店員Milo說:「近期大熱，一定是歐國盃啦， 我哋返咗少量落場版球衣，真係好罕見㗎…...(我:幾錢一件？)，$1099， 用料同球迷版完全唔同。」

不愛足球， 又不愛運動的我， 結果反而是阿囝揀了對美國隊長波鞋...…父親節依然是阿囝收禮物喎。

本來我們發現d2r有Super Mario波鞋， SY:「好搞笑，爸爸！你睇對鞋底有寫住Game Over」(係幾得意喎...…不過鞋底有邊個會見到呢？)

d2r有好多親子波鞋，純白是我的最愛，New Balance這對也不錯...…

SY:「不過我鍾意多啲顏色喎。」(年輕人果然同我taste唔同)

最後，我們走到Venchi，我覺得同樣是SY的至愛，多於為我而買禮物…...雪糕， 朱古力， 就連阿太都食得好興奮。

似魚子醬口感的朱古力，真的第一次食...…阿太:「你有冇試佢哋嗰隻純度100％黑朱力， 好純又唔甜，正喎。」

我食了一口...…「我都係鍾意普通朱古力， 好苦呀！！」

阿太:「你真係唔識食。」

雪糕可以試食，對SY來說簡直如同皇恩大赦，因為他可以不停盡試所有朱古力味，才決定要哪一款。

SY問我:「爸爸！點解你唔食雪糕？」

我其實想食 Venchi的法式煎餅配雪糕，不過太古城中心分店只開了兩星期，暫時未有供應，所以我還是吃似魚子醬口感的朱古力吧！

adidas
地址:G/F， 018A， 太古城中心
電話: 2907 0158

d2r
地址: G/F， 018B， 太古城中心
電話: 2344 9081

Venchi
地址: 2/F， 256， 太古城中心
電話: 3902 3183


大仁生活