【買一送一】最著數 身份証有齊「S,H,E」即送Pasta！ @ HeSheEat

因為老友魚子媽推介...…眼患初癒的我，今晚急不及待去食買一送一HeSheEat。

阿太:「你啱啱先開得返隻眼， 休息多啲啦...…」， 我:「唔制，我瞓咗3日，瞓到頭都痛，眼腫腫都要出街食甜品。」

原來由5月9日開始至5月31日，只要身份証上名字同時有 "S，H， E" 三個英文字母，就免費有Pasta食。 (我哋無依種福份啦)

如果身份証上名字只有「S，H，E」其中1個英文字母，都可以免費食任何甜品或飲品。(應該唔難掛)

不過有條件的， 便是每人入坐最少要付費點選任何一樣食物。

我最初以為，如果我不要免費甜品，不點食物「齋」坐都可以吧！！ 誰知，原來逢入座人士都必定要點一樣飲品/食物...…(之前嚟都唔駛限住晒嘅？？)

付費的食物與贈送的食物，HeSheEat會揀出最便宜的一項送給你，絶對合符老闆的經濟原則。(好似銅鑼灣寬鬆啲咁嘅？？)

如果單單來吃甜品，大概不及順便吃個晚餐著數喎， 因為兩個人點主菜送飲品，之後再叫一個甜品，又送一杯飲品，都算著數。

荔枝乳酪奶凍 $52，阿太吃剩一半:「麻麻地，可能期望過高，係咪我頭先食得太飽呢？」

我的朱古力香蕉奶昔$38，真的超重香蕉味，如果可以揀，我想揀芒果，因為香蕉感覺好飽。

綠茶心太軟 $59，小朋友吃得津津樂道，我:「乜無澎湃如泉湧， 我仲估會BIT晒啲汁出嚟....」SY:「無BIT先好， BIT晒我咪食少好多囉。」

每日神秘限定梳乎里$59，我等了30分鐘， 對粉紅色梳乎里滿心期待， 可惜一問店員...…

(吓？ 今日係紅豆呀！！！) SY:「爸爸， 你唔鍾意紅豆咩？」，我:「因為我細個去酒樓太貪心，成日飲免費紅豆沙，部長又鬼咁好人，不停畀我飲，結果飲到我怕囉。」

其實， 三個人飲飽食醉都只是$170， 又真的不錯， 唯一就是等位等了60分鐘，等梳乎里又30分鐘。

阿太:「唔該下次早啲， 攪到個囝遲晒無得瞓...…」(車！ 咁鬼緊張...…難得我睇返嘢， 當慶祝吓都唔得)

大仁生活facebook