人與人既關係有好多種，但如果講到最撲朔迷離既都莫過於兩個人，處於一種「朋友之上，戀人之下」既境界。你哋好了解對方，啲行為雖然未去到情侶，但總係自然流露出一種默契，旁人睇在眼內甚至會用「曖昧」去形容你哋。當你哋兩個既關係唔再進一步變成情侶，亦唔後退變返朋友，一直keep住呢種關係，就有可能變成「靈魂伴侶」，如果有埋以下呢10樣行為，就好肯定你哋係Soul Mate。
1. 放假一齊去玩，但總係做唔到周詳計劃
每次同對方放假去玩時，總覺得有無比新鮮感，就算去同一個地方都總覺得好似第一次出去玩咁。仲有既係，即使你哋事先已經plan好哂行程上既各項細節，揀咗認為最好既住宿都好，都總係有啲出奇不意既事情發生，成個旅程充滿驚喜。
2. 揸車去旅行時隨心周圍去
如果揀得一齊去旅行的話，旅伴總係要有返咁上下熟或者了解對方，而且有啲人仲一定要事先計劃好哂所有野先放心。但係如果你既旅伴係Soul Mate的話，呢啲計劃通通可以拋棄，因為即使去到一個唔熟悉既地方，尤其選擇同佢喺個陌生地方自駕遊時，你哋都好享受隨心周圍去既感覺。
3. 對方父母最初對你總係無乜好感
朋友之上，戀人之下既呢種關係往往都係曖昧，你哋當然唔會做啲情侶之間既親密行為，但相處嗰時既默契總係合拍得令旁人難以理解。既然咁難解釋，莫講話你哋之間唔知點形容，當對方既父母見到你時，都難免因為你哋之間既關係唔夠「正式」而對你無乜好感。
4. 同對方既好朋友至少有一個主要話題
情侶之間通常都會認識對方既朋友，如果你哋係Soul Mate的話，你都有可能同對方既朋友混熟咗，有時甚至乎已經識咗一段時間以上，common friend之餘，至少都會同呢班朋友有一個主要話題，咁就每次見到面嗰時都一定有野講，唔會有dead air。
5. 一齊搭飛機時唔想同對方share野
上面都講過，你哋好多時會一齊出發去旅行，基本上都係夾得嚟既旅伴，咁又點少得一齊搭飛機呢個環節呢？兩個人喺同一個機艙好似無咩特別野會發生？錯喇，如果你身邊嗰個係Soul Mate的話，你同佢喺機艙都會玩唔停，有時可能會搶咗對方既零食，又或者見對方有headphone而自己粒聲唔出就搶咗去，呢啲「小學雞」玩意就係同Soul Mate先做得出。
6. 一齊行IKEA
行傢私舖呢啲通常係情侶既活動，有啲係鐘意幻想吓第日新屋點裝修，呢個時候大家都會認真諗過度過先決定買唔買嗰樣野；除咗你既另一半，又有無試過同Soul Mate一齊行傢私舖嗰陣，玩多過睇呢？如果去到IKEA的話，你哋好鐘意拎人哋既佈景嚟當自己屋企，又或者隨手亂咁拎起人哋啲野就玩一餐，仲會自動無視哂旁人既目光。
7. 夠膽一齊去陌生人party
去party最怕既就係要同啲唔識既陌生人寒暄一番，如果嗰時咁啱得你自己一個人，仲要單打獨鬥面對呢啲場景，真係有度日如年既感覺。但係，有個人肯陪你出席啲陌生人既party，首先一定唔使你獨自面對佢哋，仲有機會幫你喺同陌生人傾計講到詞窮嗰時，幫你大腳解圍，令成個場景由尷尬變成好笑，甚至反過嚟令你樂在其中。
8. 一齊出席婚禮但唔會被人話你哋係couple
某啲場合有時情侶出席比較適合，好似去親戚朋友婚禮的話，呢啲一雙一對既場合，都應該係同自己另一半去會好啲；但如果咁啱你既另一半唔得閒的話，而當你同佢一齊到場嗰時，唔會有種突兀既感覺，又或者唔會俾其他人有情侶既感覺時，證明你哋真係一對Soul Mate。
9. 傾好點佈置你哋合租間屋
有啲朋友friend起上嚟，會選擇同對方租屋兩份住，但話哂相處好同住難，兩個人既生活習慣霎時間要嚟個大洗牌；但係，如果同你一齊住嗰位係Soul Mate的話，你哋反而會更遷就對方，又或者因為知道大家口味係點，更容易夾得到間屋點裝修。
10. 唔使問都知對方想食乜
作為身邊一位咁親密既朋友，通常都有一定程度了解對方，加上相處時間耐咗的話，自然就會培養出彼此既默契，即係有時大家都唔使再講太多嘢，已經知道對方想要啲乜、鐘意啲乜。
