男人除左條腰係好重要之外，坦白講係人亦都知道自己嘅丁都係非常重要。但講到咁關心自己嘅丁丁，你又知唔知道其實有啲睇落唔多覺嘅壞習慣，根本就係難為緊你呢一位嘅好兄弟，更有機會搞到自己陽萎？唔想搞成咁？咁就快啲認識清楚10個有機會導致陽萎嘅壞習慣，快啲改左佢啦！

1. 唔做運動

根據雪松西奈醫療中心嘅一項研究，運動較為頻密嘅男士喺性功能方面會比無定期運動嘅人好。研究指出喺300名志願者當中，經常運動嘅男士代謝當量經常都係處於18左右，而性功能方面所獲得嘅評分都較高。相反平常較為少運動嘅男士，則獲得較低分數。

2. 食太多煙

喺英國泌尿學學報嘅一項研究當曾經邀請國65名男士接受調查，進行為期8星期嘅戒煙項目，並喺進行研究之前及之後接受性功能測試。喺接受研究嘅志願者當中，20%承認自己有勃起功能障礙，而喺完成8星期戒煙研究之後，當中嘅75%均認為自己嘅性功能有明顯改善，包括更加容易達至高潮等。

3. 睡眠不足

根據密歇根州研究，男士假如無充足嘅睡眠，佢地就會因為唔能夠集中精神、感覺疲勞而降低性慾。此外，芝加哥大學2011年嘅研究都指出每周平均睡眠時間唔夠5小時嘅男士，睾丸素亦都會比平均睡眠時間足夠7-9小時嘅低。

4. 缺乏性生活

根據美國醫藥學報2008年的一項研究，喺989名55-75歲嘅志願者當中，每星期進行少於1次性行為嘅男性原來係會較為容易患上性功能障礙。要避免呢個情況發生，研究則建議男性可以每星期最少自慰三次。

5. 不注重口腔清潔

牙周病學報研究發現，患有牙齦疾病嘅男士比沒有嘅，所患有性功能障礙嘅機其實係會高7倍，全因牙齦組織上嘅細菌係會喺身體內遊走，引起陰莖發炎或損害其血管。

6. 食太多零食

由於大部分加工零食都，包括曲奇、朱古力、薯條等都係含有大量反式脂肪，因此食得太多都係會令精子質素降低，比有均衡飲食嘅人健康較差。

7. 睇太多電視


羅切斯特大學2010年嘅研究指出，每個星期觀看逾20小時電視嘅男性，比幾乎無睇電視習慣嘅男士所產生嘅精子數量少44%。此外由於長期習慣觀看電視嘅男士不太喜愛運動，因此精子嘅質素也會較低。

8. 唔飲咖啡

德州大學健康科學中心研究指出，42%每天飲用2-3杯咖啡嘅男士，患上性功能障礙嘅機會係會較低。此外，亦有研究指出咖啡因係能夠放鬆陰莖動脈及肌肉，提高血流量。

9. 塗上太陽油後沒有做好清潔

太陽油無錯係能夠預防皮膚癌，但係亦都有研究指出因為當中含有BP-2以及4OH-BP，因此有機會降低男士生殖功能30%。因此假若曾經塗上太陽油，必定要徹底做好清潔，避免有害物質進入皮膚、血管，影響生殖功能。

10. 唔鐘意食西瓜

德克薩斯州農工大學2008年嘅一項研究指出，西瓜入面所含嘅瓜氨精氨酸係能夠好似服食偉哥一樣增加一氧化氮含量，放鬆血管，治療及避免勃起功能障礙。