【真心推薦】用後感：Salon De Pro

其實這品牌唔新， 而且時時睇到佢嘅廣告，但我一直冇幫襯。

我都要定期染吓髮， 一來唔喜歡髮根跟髮尾唔同色；2來， 就真係老喇， 開始有白頭髮，雖然白髮唔多，但總是出在天靈蓋，一枝枝白色天綫咁樹起身，非常討厭。

但上年， 我因為為結婚嗰劑啲髮色靚， 所以停用所有chemical 的染髮劑，只用hana。咁當婚期近去stylist 度染， 效果會好啲。其實hana 都好，不傷頭髮，而我用嗰隻嘅效果都好lasting，顏色又得。但上色嗰時同冲洗過程，都有啲麻煩。另外，就係整完之後， 好幾天， 洗頭都會甩色。

之前， 我都有用chemical 染 叫beauty labo。 我一直用咗好多年，貪佢色多， 味唔算臭，造完啲頭髮又滑又亮。

今次試salon de pro， 係因為有次我在gym 洗手間， 見到有位太太級gym 友在染髮 (其實好多人都會在gym 自己染，方便嘛，你懂的)。佢都係我學習目標， 因佢keep 得超好， 50尾望落似40頭。 佢話佢啲白頭髮出得好快， 1個月一定要染一次；但就算去salon 都造唔到佢滿意的效果，一個月都last 唔到。反而用salon de pro 就last 到，而且冇味， 又不用自己mix， 就咁擠出嚟，用唔曬下次再用又得。 佢用的係好淺的啡色。她說， 衰就衰在香港啲色唔多齊，有時難買。

所以去日本時， 我見藥房有7-8隻色，即買了兩枝 ~ 一枝係light brown 04， 一枝係brown 05。 因我唔係好sure 邊隻色啱我， 所以決定兩枝都買，mix 埋嚟用。

又話說，相信日本啲色比較齊，但色系絕不及Beauty labo 咁多，都係最common 的啡、 黑之類。你想帶紅、帶紫色調的，都欠奉。

用法超簡單， 只要shake 幾吓， 擠出嚟， 上在乾髮上 (先上髮根， 再上髮尾)。 待20分鐘左右， 用shampoo 洗淨就ok。

(sorry，樽身有小小拿渣，因為我真係用過嘛！盡量抹乾淨架喇)

好處:

乾淨企理， 不用開壇 真的冇味 就算唔覺意揩到啲色落額頭， 啲色都唔會食落皮膚，好快就可以冲乾淨。而之後幾天洗頭都唔多甩色 (只係頭一天甩少少……之後都冇)。 所以唔怕流顏色汗或瞓烏槽個枕頭，啲色好有效遮到白髮。

壞處:

因佢冇好似beauty labo 咁跟個好得嘅conditioner，我只用color lock 的洗髮產品；所以頭髮染完，會有小小硬。待啲色穩定啲，我才用treatment補補佢。

到夏天，我會常去游水，無論泳池水或海水， 都對頭髮啲顏色有損；所以我更唔會花錢去salon 造顏色。

另外，本季興比較深色的髮色，所以自己造都得啦！