結婚話哂都係人生大事，度蜜月對唔少新婚夫婦嚟講當然都好重要，世界咁多地方，度度都各有各精彩同特色，但如果要啲最啱度蜜月既地方，就一定揀以下呢10個地方喇！
第10位 加拿大尼加拉瓜大瀑布
尼加拉瓜大瀑布其實係經典既蜜月勝地，遊覽呢個大瀑布既時候，你除咗可以睇呢個咁靚既自然環境，記得搭船喺瀑布下面感受吓個氣勢同埋霧境。一條瀑布之隔，仲已經包括咗加拿大同美國，一次過飽覽兩個國家；又或者你可以去附近既尼加拉瓜賭場，附近既小店、咖啡店坐吓，兩個人一齊享受悠閒既時光。
第9位 巴哈馬島
世界各地既小島向來都係唔少新婚夫婦揀既蜜月地點，個個都貪嗰度有陽光與海灘，但如果你追求既係浪漫既氛圍的話，巴哈馬島幾乎係不二之選。呢度有小島避世既感覺，當地既水上活動，仲有日落，多姿多采既夜生活都係吸引之處，去之前不妨book間好啲既渡假屋，享受小島上既一切。
第8位 法國尼斯
講起法國，第一時間令你諗起既係巴黎、名牌？係時候睇吓法國其他地方喇！好似法國南部既港口城市尼斯，呢度有怡人既氣候同對住地中海既海灘，啱哂鐘意曬太陽同游水既你。順帶一提，如果你冬天既時候去，就千祈唔好錯過嗰度既嘉年華，有演唱會、煙花以及其他不同類型既演出，啱哂鐘意熱鬧既你。
第7位 中美洲吐克西開哥斯群島
由美國邁阿密出發，搭大約一個鐘頭飛機就到，呢個小島有世界第三大既珊瑚礁，可以話係呢個沙灘既特點，所以呢度亦係潛水勝地之一。每年12月尾到翌年4月，仲有2500條座頭鯨經過沿海地區，如果你咁啱係呢度潛水的話，就有機會一睹佢哋既風采。
第6位 美國科羅拉多洲亞斯本
鐘情戶外活動既情侶，不妨考慮吓美國呢個地方，如果喺冬天，你可以喺呢個世界有名既滑雪勝地滑雪；另外，仲有其他活動例如打高爾夫球、爬山、釣魚等等。到咗夜晚，附近既市鎮享受當地既夜生活都係不容錯過。
第5位 美國拉斯維加斯
拉斯維加斯呢個賭城曾經係唔少明星舉行婚禮既地點，咁點解唔係度蜜月既地方呢？呢度既奢華就係勝在佢有全世界最出名既賭場，如果你係嚟度蜜月的話，仲可以預訂入住蜜月專享既酒店房，入面有心型床、香檳，絕對夠哂情調。
第4位 南太平洋大溪地
如果你鐘意世外桃源既感覺，你就應該揀位於南太平洋既大溪地，呢度既高山可以直達雲霄，仲有清綠既大草原，同埋茂盛既熱帶雨林，仲有小溪流、小瀑布等等。
第3位 南非
陽光與海灘，又者大城市既繁華都唔啱你的話，其實可以考慮吓去非洲既野生世界度蜜月，同非洲草原上既野生動物來個近距離既接觸，相信會俾到你一個嶄新既體驗！
第2位 中美洲哥斯達黎加
喺中美洲既哥斯達黎加，實在有太多唔同類型既景點，好似當地既火山公園同瀑布花園，又或者直接安排一個自然之旅。雖然當地既熱帶森林風景好吸引，但都千祈唔好miss咗當地好出名既沙灘，好似當地既Playa Zancudo，就俾當地人譽為最佳游泳海灘。
第1位 夏威夷
能夠位列第一位既，就係美國夏威夷，全因呢度有靚既沙灘同好多唔同既小島，最活耀既火同黑沙沙灘就位於最大既島上，至餘其他小島都各自有唔同既吸引之處。夏威夷有好怡人既氣候，就連夜生活好極少商業成份，絕對稱得上遠離煩囂。
