好多人成人問CV要幾多張紙?有人話一張、有人話雙面、有人話4版,其實共識一定係:「一版起兩版止,多過兩版食X屎」。

至於一份CV入面究竟要乜?其實每個行業唔同,每個人又唔同,當然我都幫唔少網友免費執CV執左差唔多半年有多,但隨著網友可能轉行或年資增加,CV要求的確有唔同。係度教大家一招免費測試CV要乜既方法。

只要你打一份極BASIC半版紙既CV,投寄去你想應徵既相關行業,如果個HR BUY你 或CONSIDER你,就會打黎問長問短。例如高等教育界便問cGPA (但中小學補習社一般唔問)、IT行業一定問你識乜Skills (相反喇,教育行業你寫識乜skills多數晒氣,microsoft office就咪寫啦低b)。

經過十個八個電話,你搜集返啲HR問過你啲問題,基本上都應該整到一至兩版既CV!記住CV 最緊要精簡!例如應徵HR 你寫HANDLE MPF 咪得,唔好同我寫你好醒識得SET 7,100 & 30,000 兩個LIMIT 咁樣計MPF,知架喇!

一份CV睇5秒就決定SCREEN 走或留,精簡啲啦!