好多男士雖然本身其實性格、樣貌、條件等都好好，但唔知點解總係無女朋友，令身邊嘅朋友都非常疑惑。見到咁嘅情況，或者您會概括以「女人心海底針」作為解釋，但其實究竟咁講有冇根據，定其實只係佢地嘅Package對於女士黎講真係唔吸引呢？
最近喺外國，有研究就列舉左10個男士吸引女性嘅特質，想搵番個穩定嘅伴侶嘅話或者可以睇下自己有冇當中嘅幾個條件，參考一下。
1. 靚仔其實唔一定重要
如果你係希望搵番一個可以白頭到老嘅伴侶，其實就算自己樣貌平平都唔需要灰心，因為根據研究，女士同靚仔開始嘅一段關係多數都係短暫嘅，相反樣貌普通更可以維持更耐。
2. 其實留唔留鬚都無分別
有啲人會以為留鬚睇落個人型啲同穩重啲，但其實女士對於鬍鬚無一致特別觀感，相反好睇佢地個人喜好。所以對於面上面嘅鬚根，你都係按自己喜好整理就得，唔需要特別介懷。
3. 有幽默感
對於女性嚟講，幽默感原來某程度上代表左男士聰明、醒目，所以男性有幽默感其實可以提高女士對您嘅印象、好感。
4. 無私
喺一段長久嘅關係裡面，女士所要求嘅係一個無私，懂得行善積德嘅伴侶，而並非尖酸刻薄、毒舌、記仇嘅另一半。
5. 細心
根據一個有關speed dating嘅研究，女士對於細心以及客觀嘅男士印象係更為正面。
6. 老成
同樣地假如男士年紀較為年長，女士就會覺得佢地人生更有歷練，更識得照顧家庭同埋收入、狀況更為穩定。
7. 吊高嚟賣
雖然以前嘅研究會話其他人會鐘意鐘意自己嘅人，但近期嘅研究卻一反常態，顯示女士反而會更加喜歡吊高嚟賣嘅男士，覺得自己更想成功得到對方。
8. 有養狗
相比起無寵物嘅男士，原來有飼養狗隻嘅男士係更識得同女士交際，而且更受女士歡迎。
9. 揸靚車
無可否認對於駕駛名車嘅男士，女士會覺得較為吸引，因為名車等奢侈品都能夠反映出一個人嘅財力，令佢地覺得眼前嘅人更有照顧自己嘅能力。
10. 著紅色衫
相較其他顏色，女士覺得著紅色嘅男士係較為吸引。
