【有心小店】想做就做：橙梅乳酪心太軟，童真返晒嚟！

慈雲山新開一間型格甜品店， 我對阿太說:「個老闆又會開間舖頭係咁隔涉地方？」

阿太很大反應:「對面係鳳德，上面又學校，慈樂邨幾多人住呀...…隔涉？？ 我以前讀書，就係同阿KO…...」

(得得得...…我錯...…40年前陳年舊時， 知你熟依頭)

前九龍灣小象café老闆Elvis說:「之前商場舖多多限制，又麻煩，2年約一滿即走」

(咁你點搵到依度？) Elvis一邊焗心太軟一邊說:「某日搭車經過，見到依間吉舖...…雖然離地鐵站幾遠，但係我有信心可以引到客人上嚟，咁就即租囉。」

Elvis不單心太軟是自學回來，原來雪糕一樣自己調:「我最滿意就係我打嘅雪糕，我會睇心情變味道，今個星期係橙蔓越梅乳酪， 充滿「童真」， 好有小朋友食開嘅橙味雪條Feel。」

店名「想甜嚐甜」，原來有下聯「想做就做」，Elvis形容為「睇吓你有幾想」。

Elvis繼續:「好似我兩年前本來做文職，因為想做甜品，機緣巧合就頂咗之前間舖，之後自己不停學做心太軟，由十幾個食譜，左調右調，變成自己嘅口味囉！！」

榴槤王阿太一發現「榴槤飄飄處處聞$49」，不用思考即點...…橙蔓越梅乳酪雪糕配榴槤+香蕉，果然零舍不同。

SY:「啲雪糕好得意，有啲蜜糖味，我食雪糕，媽媽食榴槤同蕉啦，榴槤好臭。」

新店有7款心太軟， 不用說...…我家主子第一時間揀來黑朱古力味道 $39…...

SY:「哎呀！個雪糕調轉咗嘅...…要快啲食先得啦。爸爸...…唔好影咁耐啦。」

有75％濃朱古力，正正合阿囝心意，不過我見旁邊客人的心太軟，一切即流溶岩，但可能我不停與Elvis聊天，我們的只有小小岩醬...…

SY:「好食就得啦， 我哋嗰個都有流朱古力吖！！」(你老豆鍾意澎湃D吖嘛。)

原來這裡Elvis只用了一個月時間，便完成一切準備功夫，開張大吉...…

他說:「就係睇下你有幾想，我好想開舖，所以犧牲一個月去街、娛樂，同訓覺時間啫，想做就做，人人都得。」

(我都要努力...…因為我想辭職，不過未得…...)

想甜嚐甜 Dream Sweet Taste Sweet
黃大仙蒲崗村道73號富佑大廈地舖
時間: 1pm-12:30am

大仁生活