雖然仲未到端午節，但係天氣似乎就已經越嚟越熱，大家都開始要漸漸轉季。而除左女人要為夏天減肥之外，其實唔少男士都會喺盛夏操肌，減走冬天儲落嚟嘅肥肚腩。雖然已經下定決心需要減磅，但喺開始實行計畫嘅時候卻發現自己唔知點解減極都減唔到，有時仲會發現餐單裡面有啲野食左仲餓過以前。

咁究竟有咩食物喺會造成呢種狀況，令人越食越肚餓嘅呢？

1. 白麵包

白麵包睇落好似無咩殺傷力，用嚟做早餐或者下午茶都好似可以頂下肚咁，但其實進食白麵包係會相反提升胰島素水平。除此以外，用嚟製作白麵包嘅白麵粉因為嚟製作過程之中麩皮都被磨走，因此當中嘅纖維素更加係比全麥麵包嘅低。所以有如最近西班牙嘅一項調查嘅數據一樣，假若一日進食兩分或以上嘅白麵包，相比起無呢個習慣嘅人，您喺5年之內患上癡肥嘅機會率就會高出40%。

2. 白麵條

白麵條同白麵包其實道理差唔多，而且更加因為佢將會係你嘅正餐，自然你就會因為覺得唔夠飽肚而煮多左份量，令你身體攝入多餘嘅卡路里，增加體內胰島素。亦因為呢個原因，您嘅身體就會開始製造出過多控制血糖嘅荷爾蒙，從而令您血糖下降，產生飢餓感覺。

3. 果汁

果汁經常都比人標榜為健康飲品，但當中的糖分其實係非常之高，更甚嘅係當中無包含鮮果原有最重要嘅纖維，好味但對健康無正面作用。由於飲果汁嘅時候會令你嘅血糖即時上升，因此當血糖喺飲用過後回落嘅時候，飢餓嘅感覺就會隨之出現，令人越飲越肚餓。

4. 鹹味零食

大家都應該試過喺食完一大包薯片之後，立即會好想飲番杯有汽嘅汽水，用啲甜野嚟中和番。而其實根據醫生嘅講法，由於薯片、有鹽花生等嘅鹹味零食係會令人嘅胰島素突然上升，讓腦部受到突如其來嘅刺激，覺得自己同樣要攝入糖分嚟提高血糖，滿足自己。因此就算你已經食晒成包薯片滿足左自己鹹食方面嘅慾望，但甜食方面卻未能滿足，所以就會令你仲係好想食野。

5. 快餐

要減肥係唔應該食快餐，但有時可能喺調節左一星期餐單之後獎勵自己，可能都可以嘅！但快餐雖然份量夠大，但由於當中含有大量鹽分，當進食之後人體中嘅水分就自然會被抽走，造成脫水情況。而由於呢種嘅感覺同飢餓相似，因此當您感覺到口渴嘅時候，您就會以為自己係肚餓，令自己好想再食野，所以快餐就會令人食極都唔飽。

6. 味精

同快餐食物一樣，餐廳經常使用嘅味精最直接嘅除左係會令人感覺非常口渴，令人以為自己仍然肚餓之外，味精當中嘅化學物質另一個嘅副作用就係會令人增加食慾。所以一旦食左含有味精嘅食物，唔少人都會好似上左癮咁越食越想食，自然停唔到口。

7. 酒精

飲酒同健康飲食真係扯唔上關係，而且更加係種顯然令人越來越肚餓嘅飲品。根據酒精及酒癮研究，三份酒精就能夠將抑壓身體飢餓感嘅瘦素水平降低30%，因此就會令你覺得非常肚餓。

8. 人造甜味劑

無論係飲品定係食物攝入糖分，例如汽水、蛋糕，當中所含有嘅糖分其實都會刺激腦部細胞，令你因為血糖飆升。亦由於想自己亢奮狀態持續落去，你自然就會想繼續攝取糖分。假若長久攝取糖分落去，腦部控制飢餓感嘅部分就會因為習慣而受到影響。

9. 壽司

壽司雖然份量看上去非常細小，但由於每一件也主要是由飯粒製成，因此只是吃了一份的加州卷，所攝取的碳水化合物其實就等同於吃了三塊白麵包一樣。而且由於壽司非常容易消化，因此就更加容易覺得飢餓了。

10. Pizza

見到一個大Pizza喺自己面前，邊有人剩係會食一件咁少？？點解食左三、四件都仲食得落？同樣都係因為Pizza係由白麵粉製成，而且更有大量防腐劑以及加工配料，因為就會擾亂你嘅血糖水平，令腦部無法正常控制食慾。