出得嚟做野好多時都要靠人幫手先至成事。唔係話一個人一定做唔嚟，但始終如果多一對手同一個腦嘅話，點都會容易少少架嘛！例如喺工作上面，可能人地識人多過您，請得郁佢幫下手，自己功夫都慳番唔少。又或者有proposal想有人支持自己論據，識番一兩個溝通技巧又可能就可以說服到多幾個人support你，咁真係可樂而不為呢？
想做到人地對您永無托手掙？或者你就要學識以下6招喇！
1. 趁人好累嘅時候提出請求
想請人幫手嘅最佳時機，其實就係趁人精神狀態唔係幾好，睇落好累嘅時候出口。因為多數喺咁嘅情況之下，佢地都會由於太過疲累而無咩防範，口快快答應左你先而唔記得諗清楚自己有冇其他野忙緊。所以如果喺工作上面想搵人幫手，最好就等到收工前兩個鐘先好問喇！
2. 模仿對方身體語言
以模仿人地嘅姿勢、語氣、表情嚟博取他人認同，呢種做法並唔係無科學根據，而且更係獲心理學家稱之為「變色龍效應」。由於人類潛意識上對同自己雷同嘅人係較為有好感同容易接受，因此模仿對方嘅行為其實係可以提高獲得幫助嘅機會。
3. 快速講述自己觀點，爭取認同
當自己落入左爭論不休嘅議題，處於雙方爭持不下嘅局面嘅時候，你或者可以試下以較快嘅速度講述自己嘅觀點，殺對方一個措手不及。由於你講得實在太快而且有紋有路，對方根本無時間去思考你講嘅野啱唔啱，好多時候佢地都會因為思考時間太短，而發覺唔到原來當中係有破綻而認同左你。相反如果你遇到知音人嘅話，最重要當然係要慢慢解釋自己嘅理據啦！
4. 擾亂視線等人墜入圈套
同上面嘅做法差唔多，都係用類似擾亂視線嘅方法去迷惑人地，令人地喺思考唔切嘅情況之下被您牽著鼻子咁走，正中下懷。根據相似研究嘅講法，例如喺推銷嘅時候，明明3件貨都真係3蚊，但你就介紹話宜家係買2送1，3件貨3蚊咁，人地自然就會覺得抵左。但其實講到底，個3件貨嘅價錢根本都無變過，係睇你點樣Sell出去。
5. 嘗試以較小嘅請求入手
根據美國著名政治家富蘭克林嘅講法，當您想人地幫助你嘅時候，你最初並唔係要做出任何令佢受益嘅行為，而係反而要令佢幫你一個好唔起眼嘅要求，例如問佢借少少野好似文具咁。之後當佢習慣左平時幫你嘅時候，到你有任何大嘅要求嘅時候佢地就會習慣成自然，對你有左信任而唔會拒絕您。
6. 產生好似人地賺得多過你嘅錯覺
喺做買賣，同人討價還價嘅時候，記得要從對方嘅利益作為說話嘅基礎，令佢地有著賺得多過你嘅錯覺，等佢地更加容易被您說服。例如喺賣車嘅時候，你可以換個角度同人講「只要$20,000，我架車就係屬於你架喇」，而唔係直接講「架車我要$20,000先會賣。」，人地聽落都舒服啲，唔似好似係欠左你咁。
