《多啦A夢：新‧大雄之日本誕生》暑假約定你！齊搭時光機

咁多年嚟，多啦A夢每年都準時喺大銀幕同大家見面，今年又點會例外！今個暑假，多啦A夢、大雄、靜香、胖虎同小夫將會帶你穿梭時空，返去遠古時代見證日本嘅誕生，仲有一班好得意嘅小神獸陪你

圍闖蕩添！《多啦A夢：新‧大雄之日本誕生》已經係系列中嘅第36部劇場版動畫，係1989年作品《大雄的日本誕生》嘅重製版本。呢部作品當年創下420 萬嘅觀看人次紀錄，直至舊年先被《多啦A夢》另一系列作品《STAND BY ME多啦A夢3D》打破，可想而知呢部作品係幾咁受歡迎！動畫早前率先喺日本上映，反應叫好叫座，輕鬆奪取連續3個周末票房冠軍，並創下2D多啦A夢電影票房最高紀錄，累積票房目前已突破40 億日圓！

暑假約定你！　齊搭時光機

《新‧大雄之日本誕生》由八鍬新之介兼任導演同編劇，佢之前擔任過《新‧大雄的大魔境》嘅導演，亦喺長期參與製作《多啦A夢》電視動畫嘅幕後功臣之一，唔知今次又會有咩驚喜畀到一眾大小粉絲呢？動畫將以「日本人嘅起源」為主題，喺人類文明進化嘅歷史背景下，透過一場穿越時空嘅大冒險嚟描繪大雄與朋友之間嘅友情同成長。各位大小朋友，今個暑假記得約埋親朋戚友一齊準時登上時光機喇！

MovieChannel是一個專為影迷而設，提供電影資訊、預告片、電影專訪及互動交流的網上平台，務求令影迷得到最快最新的電影情報。

https://www.facebook.com/MovieChannel/