「男神」呢個名詞近排經常都聽到人講，但究竟要點樣做先至可以成為大家心目中嘅「男神」呢？內涵固然重要，但就算你個人幾有內涵都好，其實你都要首先學識包裝自己。如果唔係比囡囡見到你爛身爛勢，著住條「瀨屎褲」衣不稱身咁行黎行去，咁你有咩內涵都首先嚇走左人先啦！
1. 髮型
男士一般都唔會有化妝嘅習慣，因此個樣一睇落去，最令人留意嘅就係佢地嘅髮型，所以換句話講唔梳好個頭嘅男仔就好似素顏嘅女仔一樣，有啲難以突顯出個人魅力，點都少梗樣野咁無離精神。因此如果要喺人地面前留下深刻同正面嘅印象，最重要嘅就要注意增加頭髮嘅層次同埋蓬鬆感，咁就可以避免自己成為書呆子樣嘅菇菇頭，生硬得過分孩子氣，無左「男神」應有嘅沉實、成熟嘅感覺。
2. 用手錶襯衫
男士無論點樣都好，最好都係要有一兩隻百搭嘅手錶旁身會比較好啲，而且用嚟襯衫效果都會幾好，能夠呈現出你個人品味，以及當日你嘅穿搭風格。去做運動或著可以選擇跳字運動型嘅手錶，約會、番工就可以戴番機械腕表，咁就可以為你平淡嘅衣著添上一個注目嘅重點，反映出你嘅個人性格。
3. 識得著格仔恤衫
誇張嘅印花圖案，講真真係唔係每一位男士都carry得到， 但如果想自己啲衫唔係清一式剩色咁鬼悶，其實可以著下百搭嘅格仔衫。無論係就咁著又好，配番件T恤都好，最應該記住嘅就係要營造出休閒嘅感覺。最後記得喺揀格仔恤衫嘅時候，千祈唔好揀大叔先會著嘅絲質恤衫，另外仲有最好避免著短袖恤衫，捲起衫袖就好喇...
4. 褲和襪子要互相配搭
褲子一定要剪裁合身，鬆到好似「瀨屎褲」就一定會有不修邊幅嘅印象，而太過緊又會好娘，好似著左女裝褲咁。聽起上黎好複雜？唔駛擔心，其實你只要有條稱身嘅牛仔褲，唔係七彩就得架喇！另外除左褲之外，襪子都係近期穿搭考慮嘅重點，令細心嘅人可以喺你選配嘅襪子搵到你嘅隱藏性格，而且仲可以為你嘅衣著加上少少趣味。
5. 皮帶突顯腰部曲線
出席較為正式嘅場合，穿搭記得唔好漏左戴皮帶，因為簡單嘅一條皮帶就可以將你上身同下身嘅衣著連貫，同時突顯出你腰部曲線。但喺揀皮帶嘅時候，真係千祈唔好揀埋啲品牌大Logo大字系列，你都唔想比人話你係土豪大叔架下話？低調啲啦！
6. 鞋子
男仔最花錢嘅一種衣物，應該就係佢地腳下嘅一對鞋，同女人對比，佢地肯花錢喺鞋上面嘅程度，其實就等於買名牌手袋一模一樣。雖然捨得使錢係個人問題，但如果花錢買左對配搭唔到嘅鞋，倒頭來真係無咩用處。記得皮鞋同運動鞋都要各有一對呀！
7. 袋子
男士好多時候都唔習慣拎袋，但其實如果識得配搭大約A4 size嘅無帶手提包，配合smart casual穿搭其實更會增添文青嘅感覺。
