要去歐洲、美加呢啲地方，唔少住喺亞洲嘅香港人聽到最少要搭12個鐘頭飛機嘅時候，都必定會當堂打左個突，會覺得機程過長而有所卻步，覺得要住響飛機入面咁長時間，一定係好鬼辛苦。

雖然喺飛機裡面長時間逗留感覺一定係唔好受，但您又知唔知道其實有啲小小嘅動作，就可以舒緩到不適嘅症狀，令你喺旅途中無咁疲累？

1. 選擇可靠嘅航空公司

假如您需要乘搭12個鐘頭或以上的飛機，咁好合理地要舒適咁渡過嗰段咁長嘅時間，就要選擇可靠嘅航空公司，例如上網查找下網友對航空公司嘅評價，究竟座位舒唔舒適等，乘客嘅親身體驗先至係最反映到航空公司客機最真實嘅狀況。

2. 懂得調節Jet Lag

坐長途機難免會有Jet Lag嘅情況發生，而要避免咁嘅情況發生，你就應該要飲多啲水，唔好飲含有酒精嘅飲品。此外，亦都要識得坐耐左要起身伸展一下，同埋因應目的地時間調節作息時間。

3. 選擇轉機而並非直航

其實如果你有充分嘅時間，要旅途舒適嘅話都可以選擇中途轉機而並非直航到達，咁你就可以有時間喺中途落地休息，放鬆一下伸展筋骨。除此以外如果時間係非常充裕嘅話，就更加可以係最終目的地中途地域加插行程，喺中途景點逗留一兩日先再起行。

4. 選擇日間起飛嘅航班

假若機程係12個鐘，而你又係喺夜晚起飛嘅話，抵達目的地嘅時間自然就會一樣係夜晚，令你到落機嘅時候會因為喺飛機不斷閉目養神而無咩睡意，造成Jet Lag問題。相反如果您你係喺有日光嘅時候抵達，咁你嘅生理時鐘就會因為受到日照影響而更加容易適應當地時間，以及熟習當地作息時間。

5. 升級其中一班機嘅座位

為左慳錢，好多人都會習慣來回程都選擇最平價嘅經濟客位，令到自己未到達目的地就已經無晒精神，頭個幾日都玩得唔夠盡興。但其實如果想自己無咁辛苦，或者你可以因應自己嘅資金而將將其中一班嘅座位，升級為特選經濟或者係商務客位。或者你會話「哪有錢！！？」，傻豬黎嘅你用左啲錢黎升級，同事你都可以盡量安排番自己行程唔好花咁多錢，兩者取得平衡又舒服自己就得啦～

6. 選擇「環球機票」

這個選項當然是要有超多時間去旅行嘅人先至可以選擇，但如果你有心要去流浪一年，勇闖7大洲5大洋嘅話，咁就一定要選擇「環球機票」計畫行程。「環球機票」嘅概念，其實就係等你選擇最少4個嘅目的地，之後隨自己喜好向東或是向西飛行探索景點，令你最後喺環繞地球飛行一周嘅情況下返回出發地。相比平常分開購買單程機票，「環球機票」的價格一般都較為便宜得多。

圖片來源：Tumblr