【食譜】無石膏粉豆花

又是咁的……之前整過豆腐花，就有人跑出來話：唔好用石膏粉啦。

我問：咁用乜？佢就逃去無蹤，我遇著呢類無建設性既留言係會覺得好煩。你咪唔好食囉。

不過咁……我都會諗下有乜其他方法去做。

後來見過用蒟篛粉做、又見過用魚膠去做。我就試下用魚膠做，其實我重覆試了幾個份量，有一次唔成型、一次就實得滯。

今次成功，夠滑吧！

*當然質感同豆花有分別，但勝在易做咁囉。

食譜：

豆漿   500ml (可以選擇用無糖或有糖、無機或有機、什麼基因改造等等一切南洋瓜葛自己去揀)

魚膠片  7.5g (講過一萬次，魚膠粉同魚膠片一樣)

做法：

1. 將魚膠片浸冰水令其軟身

2. 豆漿座熱水至熱，放入魚膠片攪勻，魚膠片溶化後就放涼入雪櫃4個鐘

3. 之後可以配黃糖或糖水

就是如此簡單~