黎明4D尾場演唱會完美落幕 全城市民支持迫爆核心內外圍

天王黎明（Leon）在中環海濱長廊舉行的一連八場4D演唱會，經歴不少風波後，昨晚已經不知不覺去到尾場，數以千計的市民繼續攜老扶幼，去到核心的外圍陪住Leon開show聽歌跳舞，尤如嘉年華一般，迫爆整個九號和十號碼頭，人頭湧湧，場面誇張熱鬧！而核心內位同樣熱鬧，多位圈中名人，如王馨平、AGA、林德信、鐘楚紅、劉兆銘、衛蘭、衛詩、方力申、黎諾懿、鄭希怡、關智斌、連詩雅、周柏豪等亦到場支持。

記者:Sarina

開場不久，Leon話：「今晚我哋有一半人喺呢度，有一半人喺出面。」說完，場外的市民報以歡呼聲回應。唱到中途，又說：「今日呢個場地已是最後一日演出了，相信大家會有新開始，希望大家可以做開心的事，注意安全，出面外圍的朋友都要注意安全。」黎天王果然親民窩心。

黎明是首位藝人在演唱會進行自拍facebook直播，昨晚當然也不例外，獻唱最後一首歌曲《夏日傾情》。Leon：「我哋今日喺核心嘅內圍，不如我哋睇下核心嘅外圍係點樣樣？」之後，著手機出嚟準備fb live喇，不過由於訊號不佳，最終只直播了30秒，但仍吸引近9,800人收看。

當他唱《那有一天不想你》前，可能擔心觀眾不捨得，故又說出金句：「好多時都覺得人與人之間聚會唔捨得，好似朋友燒食，有一刻會唔捨得。可能我年長啦，唔介意你叫我Uncle或者阿叔，有少少想分享，愈唔捨得就愈要放手。」

Leon表示做完今次演唱會後，會繼續工作和拍戲：「我會用心做好工作俾大家，做好自己嗰一部份，上天就會睇到嘅。最近天氣有啲翳焗，可能大家都會受呢個天氣影響，出去做下運動，出身汗就會好啲。」

完埸前，黎明再同大家講:’Good Luck to you，Good Luck to everyone,Good Luck to Hong Kong,Good Luck to all over the world!’，之後便90度鞠躬答謝觀眾的支持。

場演出宣布取消，黎明即時公開致歉，極速危機處理能力獲各方讚賞，被網民封為「最佳關公」。

黎明4D騷除咗製作費高昂預計達7,000萬港元之外，成個演唱會都有唔少破天荒創舉，好似有立體投射、香氣和熱氣噴出，亦有飄雪效果，絕對係史無前例。

連日來亦吸引大批市民到場外野餐聽免費歌。