一招令你輕鬆對付浴室霉菌 (康少)

大家平時係浴室見到霉菌生到四圍都係，頭痛之餘又會手痛。當然啦，睇唔順眼就會清理佢，用沙粉怕刷傷表面而更易滋生霉菌，用牙刷牙膏就唔會係刷到手痛咁簡單。有見及此，我會為大家帶來一個好消息，使用漂白水，一個簡單慳水慳力的方法就可以殲滅所有霉菌。

首先大家要準備一些原料同保護裝備，今次打的是化學戰，所以保護裝備一定要充足。

1)活性碳口罩，用來阻隔揮發性氣體，極為重要。

2)膠手套，因為漂白水不會稀釋，所以帶手套非常緊要。

3)最重要的就是一包TEMPO紙巾啦!! 點解? 因為佢柔韌度一流，唔易爛。

處理方法:

最好選擇晚上睡覺前或出門去街街時，大家都唔會用廁所就係最好時機。當帶好所有保護裝備後，將紙巾剪/撕成長條狀。然後浸入漂白水中，記緊漂白水不要稀釋，不要1比99，將吸滿漂白水的紙巾，鋪係霉菌上面。等一晚，第二朝用水沖乾淨，求其刷兩下即可除頑霉。

(以上圖片均來自網路，如有任何版權問題，請與本站聯絡)