怪獸業主(一) (裝修觀世賓)

大家一定聽過裝修公司點樣衰、點樣坑客、點樣出千、點樣走佬兼爛尾...…

事情分兩面，其實當跳出黎，係中立角度黎睇，呢個世界上怪獸業主係確實存在的。咩係怪獸業主呢，大家平時聽業主吐苦水應該聽得多，觀世賓平常有聽師傅訴苦，睇下大家中幾多樣。

1)老奉咁用裝修公司行政資源

服務有深淺，由行入黎叫聲歡迎光臨到報價出圖紙，其實都係一間裝修公司的行政資源。原來都無分岩唔岩，裝修公司都會當係銷售服務的一部份，歡迎提供服務，客人都理論上安心使用。咁問題出黎邊呢?

原來有啲客，鐘意個用料/設計/規劃/佈局.....諸如此類，不過佢嫌棄個價錢貴。然後借機會影相、拎走或複製當中的文件，再拎出去比其他公司報價。希望其他公司能夠報出一個平價錢。問題係，當中本來隱藏左師傅上門度尺、設計成本、做3D rendering 等等，會計算入裝修的費用之中。個針著點並非設計唔岩而唔要，呢個情況裝修佬都順氣；問題係而係怪獸業主想把這些隱藏費用都減省去，唔通怪獸業主只肯比現場施工費？

經常遇見指數*****

2)小預算高要求

有要求是好事，沒要求又點會進步呢?這個最容易解釋，就是一分錢一貨的道理。例如，你只接受20蚊一尺12mm的無縫地板連料包工的鋪設價，你無可能要求有歐盟證書、低甲醛、原裝德國/比利時的入口貨，來貨都要廿幾蚊以上，都要做到20蚊一尺比你吧!

但現實上真的有此種怪獸業主。

經常遇見指數*****

3)門外指門內

現在資訊發達的今天，好多人都會係網上學下裝修。想知更多唔會比人呃，但有啲人學過下就真係以為自己係專業裝修佬，對住啲專業師傅指手劃腳。

舉兩個例子：

a)間隔牆要做口過管道，其實用「炮仔」篤穿牆身可以了，但怪獸業主賴專業要求用「call 窿機」，預約都要時間麻而且價錢貴。浪費了的錢和時間，又會成為爭吵的導

火線。

b)鋪設地磚，有新聞的例子。怪獸業主計過地板面積，岩岩好等同100塊磚。這樣是否買100塊磚能夠鋪完?運送損耗、工程損耗、裁剪尺吋損耗，無可能500平方尺面積，會岩岩好用足250塊2平方尺的磚，一定要預多，但怪獸業主一般唔明。

事件: 裝修發現多用了6塊瓷磚瓷磚損耗不可避免嗎？

經常遇見指數***

4)亂殺價

何謂殺價? 可以殺價一定存在價值有下調的空間。怪獸業主好喜歡去計算。

例如:

a)工期45日，平均每日有兩個師傅開工，平均每工1000元(假設市價)。

b)地板、傢俱、物料，總數大約9萬蚊(假設市價)。

c)保險/清潔/其他雜費，1萬蚊(假設市價)。

怪獸業主左格右格之後，得出成本大約是19萬，然後裝修公司/判頭都要賺錢的麻，賺多少好呢?兩萬?三萬? 怪獸業主說:「唔夠呀? 唔洗你落場有兩萬入袋，你重想點?」

觀世賓說，可以這樣計的嗎?如果是一間公司，45個工作日(即兩個半月)時間獲利兩萬，平均每月一萬蚊都唔夠。租都唔夠比，何況重有燈油火蠟、伙記人工、老闆都要食飯架。同時間接10單都賺黎唔夠洗啦。

經常遇見指數****

今日觀世賓同你地講住4種先，如果你地有其他怪獸業主行為或者其他故事，不妨提供比觀世賓。把故事寄到觀世賓電郵:kwun.ben@gmail.com (不保證一定張貼，如果涉及真實公司/姓名，必定會用字母代替，而且不會有稿費，只有一句多謝，多謝各位。