【香港都食得到!!】香噴噴!! 台灣布甸狗千層蛋糕

上星期， 新假期介紹台灣「AMANDIER」推出了布甸狗千層蛋糕， 於是即時致電九里香Vico:「你哋有冇得訂呀？」

Vico覆我:「你都唔睇我哋Facebook嘅， 已經訂咗好幾次㗎啦！」於是二話不說，即時請他幫我預訂下星期的貨。

因為每星期只返一次， 所以我要等足一星期， 上星期六才可以接布甸狗回家。

台灣出品，愈來愈靚，紙袋是布甸頭，盛著蛋糕的兩個一藍一紅紙盒，同樣印得超精美。

一打開紙盒及密封袋，嘩！真香，濃濃的蜂蜜牛油蛋糕的味道。

同事K:「嘩！ 真係一層層， 有好多層喎。」

口感方便，絶對不能與千層蛋糕作比較，因為他只是扮千層蛋糕。略嫌質感不夠鬆，不過奶油味吸引，所以即時要多咬兩口也不會介意。

同事H:「唔...…估唔到咁香，又咁靚，不過無想像中咁好食。」

我答:「單單有布甸狗個樣就已經夠煞食啦， 我畀$158都係為咗個狗樣咋」

同事K:「你唔畀你個囝食？ 佢咁鍾意布甸狗？」

我答:「佢今日曳、扭計， 所以要懲罰佢只係留返一舊畀佢啦！！ (K:咁咪好可憐囉？ )」

SY:「食完我要儲埋個盒同個袋...」， 阿囝一定遺傳了我的垃圾佬性格， 想話不是兩父子，應該都沒有人信啦。

密封口未拆， 常溫可保存10日， 開封後放雪櫃可保存20日 ~布甸狗千層蛋糕 $158 (需預訂)

九里香台灣食品店
地址：旺角銀城廣場地庫E05

AMANDIER雅蒙蒂法式甜點 399台幣
地址：台北市中山區長春路89-3號
電話：+886 2 2523 6995

大仁生活