環遊世界係唔少人既夢想，有人去異地為咗睇風景，有人就係想試哂世界各地既美食。有一個叫Melissa Hie既女仔，之前就開咗個旅行blog同instagram帳號，啲相入面全部都只有兩樣野：一係景點，二係地道小食。佢由2009年搬去新加坡之後開始周圍去，2013年更開始獨遊歐洲，每去一個地方，都會影低地標同地道小食，而呢個“Girl Eat World” 計劃亦正式展開。
1. 新加坡，膠袋奶茶
奶茶應該裝喺杯入面，就算外賣都好，裝入紙杯是常識吧？！但喺新加坡，叫外賣又好，坐喺度食都好，奶茶都會裝入膠袋裏面。睇起上嚟好似手袋咁，幾搞笑，又有地道特色？至於背景呢，就係新加坡入面一啲熟食中心喇。
2. 澳洲，黑朱古力
邊行邊睇景點嗰陣，梗要有啲甜食傍吓身，朱古力就係個好選擇，而且每個地方都總會有啲製法特別又好味既朱古力賣，佢手上呢舊黑朱古力，相信就係當地最出名既朱古力喇。
3. 日本，Hello Kitty 冬甩
日本曾經出產過唔少卡通人物，好似Hello Kitty咁，如果食物加上卡通人物既logo肯定會大受歡迎。好似呢個女仔就係日本揾到呢款有Hello Kitty樣既冬甩，真係睇到都唔捨得食啦！
4. 希臘，士多啤梨雞尾酒
希臘，你第一時間可能會諗起愛琴海、白色小屋，當一堆白色小屋加埋個海，最好當然係嘆杯特色飲品。好似呢杯紅色既士多啤梨味雞尾酒，拎喺手上唔止有度假既感覺，仲連顏色都襯到絕。
5. 香港，咖喱魚蛋
講到街頭特色小食，又點少得香港既咖喱魚蛋呢？不過呢，如果係一串咁篤住嚟食，相信會更滋味同更地道！
6. 日本，櫻花味雪糕
每逢3、4月嗰時，唔少人都會專情去日本睇櫻花，其實除咗視覺上滿足之外，就連味覺都可以享受櫻花既滋味，講緊既就係呢款櫻花味雪糕。
7. 澳洲，士多啤梨西瓜蛋糕
蛋糕口味愈出愈多，有時為咗俾食客有新鮮感，都會將一啲看似完全唔關事既口味擺埋一齊，好似佢喺澳洲食到既呢款士多嚟梨加埋西瓜味既蛋糕，相信令唔少人耳目一新。
8. 馬爾他，椰子雪糕
大熱天時，加上陽光與海灘，又點少得杯雪糕呢？呢個椰子味雪糕，就連顏色都配埋個背景。將雪糕同海灘景色放埋一齊，可以話係Perfect Match啦！
9. 中國，月餅
每逢傳統節日，當然要食返啲應節食品，好似中秋節就一定要食月餅咁，相入面影咗個咬咗一半既蓮蓉月餅，相信佢當時喺咁啱中秋節時去中國喇。
10. 英國，朱古力條
朱古力絕對係去旅行既良伴，而呢張圖呢，呢舊朱古力條同遠處既景點巨石陣拍埋一齊嗰陣，就覺得愈睇愈似！
圖片來源：instagram
