【終於游出尖沙咀！】鴨仔陪食黃油飯 Duck唔Duck？

終於等到B.Duck由屯門游出尖沙嘴啦！！ 今日中午， 我們便急急腳走上「美麗華」， SY問:「今日第一日開咩？ (我:係呀！)， 咁要跑快啲啦...…實好多人呀」

結果， 我們不用等位， 直入…...因為沒有人願意搭枱，但我不介意。而我們坐下不久， 同枱的情侶又結帳， 一家三口全程包了一張八人枱...…正到爆！！

SY問:「又話第一日開嘅？ 點解唔駛排隊？」(小朋友已經被我從小訓練成排隊精英) ， 我:「因為一個星期前屯門已經開咗， (SY:車！早知頭先唔駛跑啦)」

我問SY， 是否記得上年暑假， 我們來過吃了一餐非常滿足的薯蛋頭午餐。

SY答:「食咩……唔記得，我最記得食完同你玩捉依欣囉～」(果然只係記得跑、 跑，同跑)

收銀後面有一隻4呎高的大大大 B.Duck...…

我叫SY抱實拍照，誰知鴨仔又大又重， SY大叫:「爸爸！ 好重呀！ 你又整蠱我嘅，咁重我都攞唔到」

我們先來一個白汁海鮮飯($119)， 嘩！ 說好的...…用黃色飯搓成立體的鴨鴨， 未上枱先掙扎，歪頭又爆身。

不過， 我請店員整理一下落難的小鴨， 雖然回來又是同一鴨仔， 但勉強也有少少好轉。

SY:「隻鴨真係慘，就嚟跌落海啦，爸爸你仲要騎隻Bearbrick上去。」(我已經揀隻細bearbrick喇。)

肚餓的小朋友不停讚:「好食！！好食！！」但我叫他食鴨PatPat，他又答:「咁核突...…點食呀！」(其實都係飯嚟咋喎)

如果扮作海水的白汁， 配料西蘭花、紅蘿蔔、蘑菇等全部添多少少，應該會更不錯。

因為SY單單食了一個鴨頭，已經用了大部份白汁及配料。

吉列豬扒配太陽蛋咖喱飯($129)，這個不是3D鴨仔的造形，果然似回一隻鴨了！

感覺今次的鴨仔，沒有上次薯蛋頭的物有所值，因為薯蛋身體較鴨仔肥大，今次好像食得不太飽。

話時話，咖喱飯有豬扒附送，只是賣貴$10，B.Duck造型更攪笑，絶對抵食過海鮮飯多多聲。

阿太問:「你唔講吓好唔好食嘅？」， 我答:「主題餐廳， 駛乜點評吖， 次次都係食氣氛， 食造型...…味道合格已經柯彌揭諦啦。」

最後便是甜品時間，因為全店只有一款甜品，所以一比較下，這款鮮果配窩夫($49)，非常遜色。

鮮果就只有一粒士多啤梨，而且灑上朱古力粉扮鴨仔樣，非常有為主題而主題的無奈。

SY:「點解無雪糕嘅？ (如果有雪糕起碼加$30)」結果，小朋友只吃了半塊窩夫，便急不及待逃出餐廳，因為真B.Duck竟然「燉吓，燉吓」在走廊行入來，巡視業務。

我問SY:「你唔係只係鍾意布甸狗咩？你幾時鍾意咗隻鴨呀？」

SY:「我鍾意黃色嘅嘢， (我:但你都唔鍾意食蕉)，我講緊公仔，香蕉係水果，又點會係公仔。」

丁字腳的真B.Duck，PatPat肥嘟嘟，左搖右擺的步履，原來如此可愛。難怪商場每個大小顧客一見到她，也著迷大叫，然後便即時衝前合照。

最後SY不願走，「我想再同DuckDuck玩，我唔想走」，今日最開心便是有緣踫上真B.Duck。

但工作人員說:「未必每個周未鴨仔都出嚟巡視架，可能下次要留意Facebook預告啦。」

第一次食主題餐廳可以遇到Meet ＆ Greet， 小朋友們一見鴨仔出巡， 即時個個笑到見牙不見眼， 全場氣氛更即時變得熱血沸騰， 正呀！！

B.Duck Café by Izumi Curry (Mira Mall店)
地址：尖沙咀彌敦道118號Mira Mall 1樓110號舖 (三個月限定)

大仁生活