想有人攬住自己,令自己好多安全感喺溫暖中小睡片刻?呢個想法從此就可以喺日本當地達成,而且今次陪瞓更唔係女孩子,而係日系型男黎架添!

根據日本スポニチ報導,呢間名為「玫瑰綿羊」(ROSE SHEEP)嘅陪睡公司更原來已經開業3年,到而家仲營業緊證明真係有價有市,真係有日本女仔幫襯架!

▼ 根據ROSE SHEEP網頁,提供陪瞓服務嘅就最少有24位男士年齡由20幾到30幾歲都有

▼ 而在收費方面,午睡服務(夜晚8點之前)基本就係兩小時就2萬円。如果係要陪成晚嘅話,就由6小時5萬円開始起跳16小時更可以高達10萬円

▼ 而收到女士預約之後,陪瞓型男就會換上客人預備嘅睡衣陪客人飲下酒

▼ 當客人有睡意嘅時候,陪瞓型男就會將女客人抱入懷中一齊瞓覺

▼ 雖然有晒身體接觸難免會令人聯想起會唔會有性交易,但ROSE SHEEP方面就話至今都無女客人有咁大膽嘅要求,而且就算有人要求,公司都有明文禁止。至於光顧呢項服務嘅女士,其實從10幾到60幾歲都有,但最主要嘅客源則為30至49歲OL居多

▼ 而且聽陪瞓型男嘅收入都係非常可觀,同一般上班族睇齊。只可惜要入行幾乎係無咩可能,取錄率就剩係有1%,所以想入行嘅男仔都係死左條心吧啦~