【可愛大澳】原始棚屋 Vs 拳頭沙翁 + 面盤墨魚

大澳玩得多，原來除了經常出入的旅遊區，今日第一次走落棚屋，堅大開眼界。

未過去棚屋前， 當然最重要有另一任務， 就是先去醫醫肚。

復興行輝哥:「我之前自己出去網墨魚， 最多試過一次30隻架. 兩年前開始， 大澳愈嚟愈多人入嚟， 忙到無時間， 依家交晒畀人網嚕。」

輝哥還有大魚蛋、豆腐花食，不過我反而喜愛他自家煲的浪茶。

輝哥:「你飲羅漢果茶啦，你好熱氣呀！」(係呀！你又知嘅？ 唔通我個口好臭？)

飲飽食醉之後，就到出海尋找中華白海豚...…SY:「爸爸！快D上船啦， 睇海豚好心急呀！」

4年前，我們也曾出海追豚，不過整船人只我一仁與豚有緣，結果沒有人相信我見到躍豚的一刻。

至於今次，船多艇多又大霧，若果我是海豚也驚驚，怎會「蒲頭」呢？

有小朋友非常失望:「吓？ 咁就走喇？ 都未見到有海豚，真係唔開心。」唯有下次夏天閒日出海，機會應該會大少少。

繼而我們上船參觀棚屋，我也是第一次走上棚屋， 住在海上會不會經常要飲去濕茶呢？

原來棚屋也有分不同時代的建築，第一代正正由麻石柱+竹片+鋅鐵片建成，之後便改為遇水越強的「坤甸木」建成。

今次棚屋的屋主樊先生，十多歲便已經上樓，現時棚屋是借給導賞團參觀之用。

(相入面邊個小朋友係你呀？) 樊生:「資料圖片嚟咋，唔係我哋自己嘅相，不過我哋以前都係做捉魚為生嘅。」

走馬看花有點遺憾，因為還未能深入了解棚屋的有趣事，又要離開。

這裡未被市集化的恬靜區域，原始有歷史的東西果然吸引得多。

40年前，大澳居民用了29日，自己興建的新基大橋。原來，走上這條舊橋上看大澳，靚過在新橋看的風景多多聲。

下次一次要慢慢多遊一次棚屋區，這邊的大澳可愛都不得了。

準備趕上6時最後一班渡輪回東涌的我們，現在便有30分鐘自由活動時間，可以做的就只有食吧！

拳頭大沙翁即點即炸，姨姨在大滾油前，不斷翻動麵糰，沙翁愈翻滾愈大…...公公:「SY...…好熱架，你唔好即刻食呀！」

真的熱辣辣大沙翁還在沙糖堆上，不斷遊走...…SY:「嘩！一定好好食啦！！」

外層金黃色，脹卜卜的沙翁，一咬即化，正所謂，一熱遮三醜，一定食不停口。不過就整支羅漢果茶KO後，口腔仍然隱隱呼喚好熱氣呀！

開心時間過得快，又要重回現實繼續捱。我不想上船呀！不過SY:「快啲返屋企嚕， 我掛住布甸狗，想同佢玩…...」 囝！下次帶埋布甸狗入大澳吧！

大仁生活