同另一半親熱嘅時候經常都感受到痛楚？呢個問題並唔係只得你一個遇到，原來根據美國一項調查，每20%嘅美國女士裡面就會喺性交時受到疼痛纏擾。而對於女性喺性事中感受唔到快感，反為得到痛楚，性玩具公司Jo Divine的創辦人之一薩曼莎·埃文斯則指出除左同情侶前戲不足有關之外，更有可能係同個人飲食習慣有關。
攝取過多高草酸食物
埃文斯解釋性交其實係唔應該會感到痛楚嘅，當然除非情侶二人喜歡BDSM等嘅刺激玩意，如果唔係基本上係唔會有任何痛楚，反而係會有親密嘅快感。假如你喺性交嘅時候陰道感到疼痛，咁有可能係因為你食得太多高草酸食物，刺激尿道呢個女性額外敏感嘅部位。
一般情況下如果你攝取左過多嘅草酸，身體就會將多餘嘅草酸經由血管輸送到膽囊，之後更會同鈣質混和稱為草酸鈣晶體。因此當草酸鈣晶體黏附到身體任何一個部位嘅時候，身體特別係腸部就會感到痛楚。
假如出現咁嘅情況，你就應該喺黎緊嘅3至6個月注意自己嘅飲食，避免進食例如芹菜、咖啡、豆類、啤酒、韭菜、菠菜、番薯、士多啤梨等食物。
前戲不足
因為未有充足嘅前戲，女性嘅身體就有可能未有準備，令陰道未有排出潤滑液，令性交時感到痛楚。除左前戲不足會引起咁嘅問題之外，女生更可能會因為受到避孕藥、荷爾蒙轉變、壓力等因素影響而令身體無法作出反應，降低性快感。
如果情況持續都無改善，或者你就應該要向醫生求助，接受適當嘅治療及診斷。
