【不吃白不吃】時光倒流70年 任懷舊食台菜 @ 1963木十豆寸

「1963木十豆寸」是甚麼語言？ 上網找找， 原來台灣一早已有不少名為「木十豆寸」(樹)的食肆. 台灣人改名果然有點心思。

一走上灣仔道麥當勞旁邊的舊樓， 電梯門一打開， 眼前一亮， 時光倒流70年一樣， 難兄難弟時代裝修， 你會以為自己經時光機， 重回阿飛正傳年代。

記得幼稚園時代，在伯父家都有一模一樣的舊式收音機，單人梳化的大小；但當年的一台， 跟今日的均失靈， SY:「好似有聲呀！爸爸...」(都無插電！！)

收銀旁邊有座巨型大雪櫃，SY二話不說，靜靜打開已變成員工雜物櫃的雪櫃門，縮了進去.。

我問店長:「你哋係邊度借到咁多舊嘢嘅， 好正喎，淨係啲相機就已經吸引我逐部影啦」

店長答:「唔係呀！ 我哋老闆係台灣人，佢又好鍾意儲舊嘢，依度啲嘢全部係佢自已儲落架，全部係台灣運過嚟！」

驚訝的我:「吓？ 成座活字字粒櫃都係？」(我還以為是上環光華印務借畀你哋添)

店長笑一笑:「部電視機啦， 門排舊信箱，就算係窗花都全部係老闆自己搵過嚟架！」

更驚訝的我:「吓？ D窗花生晒銹， 原來都係收藏， 我頭先仲以為層樓咁舊， 啲窗花又生銹添， 上手依度係咩嚟架？」

店長想一想:「好似係網BAR， (哦！咁我真係信生銹窗花都係老闆嘅寶物啦)

食物方面， 濃味寶寶一定歡喜， 而且秉承了台灣菜偏油的傳統，好食好味的少少犯罪感，在所難免。

一餐半餐，沒有所謂吧～

今晚只有我和SY二人，所以放棄了兩款定價$199及$239晚餐。（其實，食環境、食裝修，也預了這裡價錢不便宜。）

這裡的食物絶對水準以上，如果份量再多少少，一定更完美。

我想喝湯，今晚例湯是木瓜煲排骨 ($35)，足料、入味，冬瓜又腍，非常好味道！

SY:「爸爸你鍾意飲，你飲多啲，我唔鍾意飲湯。」

我記得我做學生時代也寧願在公園躲藏，不想喝湯，當你有鍾意飲湯的欲望，即已經代表你老。

清燉牛肉麵($75)， 味道與價錢一樣精彩，一分錢一分貨，絶不欺場，堅好食！

是不是改良了成為香港人的口味呢？ 我最記得廿年前食毓X私房牛肉麵，標榜正宗台灣風味，但又淡又難食，今晚配上我最愛的粗麵(似上海麵)，絶配！

SY:「如果可以換做烏冬， 我就會畀滿分」我反而覺得，略帶粗糙的上海麵，更是嫩嫩滑滑牛肉的好拍檔啦～

蒼蠅頭炒飯(88)， SY:「爸爸你叫咗揚洲炒飯？」(菜單話係烏蠅炒飯喎)

SY:「你唔好講笑啦， 烏蠅可以食咩？ 唔通有冇食曱甴咩？」，其實這碟炒飯絶非講笑，粒粒米粒粒爽，連沒飯氣的小朋友，也追飯食，好嘢！

忽然小朋友指著掛牆日曆大叫:「今日係10號， 點解個日曆唔啱嘅？」(人手可以換，哥哥太忙唔記得啫！)

鄰坐有情侶竊竊私語:「個細路咁都望到喎」(係囉...…我都覺得佢遺咗我D八卦基因)

當有姨姨離開時望到SY蹲了在枱底， 便說:「咦...原來佢有啲枱係用以前E車改造喎。」

SY問我:「爸爸！ E車係咩嚟？ 係咪校車排隊嘅E號車？」

這裡真的如同博物館一樣，如果老闆有機會舉辦導賞團，我一定第一時間衝過來，因為我想知每件舊物背後的故事。

1963沒有限時，食飽可以任坐，周圍任影，記得似我一樣連櫃門也打開看看，因為每個櫃也收藏了很多意想不到的驚喜。

PS: 筷子印有不同的進食宣言「能吃就是福」、「不要偏食」， SY:「仲有《不吃自不吃》 (係《白不吃》」， 很浪漫，如果再多十款，感覺更溫馨。

1963木十豆寸
地址：灣仔灣仔道110號中匯大樓2樓
開放時間：星期一至日: 12:00-22:00

大仁生活