喺職場上，相信你總會遇過一啲總係唔多講野，係位默默做自己野既同事，於是我哋一般會話呢啲人內向。有人會覺得內向既女仔唔識同人social，好「蝕底」，甚至會覺得佢哋悶、木獨；但事實上，性格內向既女仔，都有佢哋自己既魅力！
1. 凡事靠自己，唔會俾麻煩人哋
內向既女仔鐘意事事親力親為，亦都因為佢哋唔善於同陌生人溝通，自然好少要求人哋幫手，所以你會見到內向既女仔，經常都係默默做自己野而唔多出聲。講真，呢種默默耕耘，樣樣野都靠自己，反而會令唔少男生想去照顧返佢！
2. 願意將生活中大部分時間留俾你
話明內向，除咗唔會主動同其他人傾計，其至好怕去party，一大班人聚會，感覺個人好似好悶？唔會！咁樣佢既生活反而有更多時間，而呢啲時間就留返嚟俾自己伴侶，除咗係個稱職既聆聽者之餘，仲會花多啲時間心機諗你同佢之間既野添！
3. 愈低調反而愈吸引
人總係有好奇心，尤其對一啲你唔清楚、一知半解既野，講到呢度，你可能會諗起內向既女仔，佢地一般喺朋友圈中既存在感唔強，咁係因為佢哋最怕成為群眾中既焦點，只要做咗少少野惹嚟大家注意的話，佢哋就會反應過敏，但就係呢種出奇不已既反應，令人特別深刻。
4. 會主動同異性保持距離
內向既女仔好清楚自己同唔同人之間既交情，仲會用呢樣野嚟衡量同其他人既距離，只要唔係太熟既人，都唔會點靠近，因為對佢哋嚟講，呢種行為會令佢哋周身唔自在；相信所有對佢有意思既追求者，都會因為咁而感到心灰意冷！
5. 視你係生活既全部
內向女仔就係俾人一種難以接近、慢熱既感覺，對佢哋嚟講，生活中突然多咗一個人可能會變得唔習慣；所以，如果佢地決定咗同一個人拍拖之後，就表示佢哋好認真，甚至會當另一半係不可或缺既部分喇！
6. 成日俾人感覺好神秘
千祈唔好誤會，感覺神秘唔等於佢有嘢暪住你，只係佢哋唔習慣事事都講出口，或者主動講自己嘢俾你聽。但就正因為咁，令對佢有興趣既人，反而會花更多時間喺佢身上，慢慢去了解對方。
7. 笑容特別吸引
內向既女仔，無論係開心、傷心，一般都好少係人面前表露出嚟。所以當佢哋人前表達情緒時，往往令人覺得好「震撼」；尤其笑既時候，就俾人好可愛、怕醜既感覺，令另一半更加想哄佢笑。
8. 做任何事都有哂計劃
內向既女仔唔會諗過既所有野都講俾人聽，得自己有個盤算，而如果佢講出口的話，就必定係經過細心考慮；但凡同另一半講既，都必定係可以執行既野，唔會對另一半講大話，或者開空頭支票，俾人感覺實際啲。
