【第226伏】將石油氣錶做左入櫃...… (裝修中伏大全)

戶主：「師傅將個石油氣錶收埋左響廚房吊櫃裡面，睇唔到個度數，咁點抄錶？」

另一戶主表示有同樣問題...…

有提議說「放塊鏡係個櫃裡面將個數字反射出黎」或者「到時伸部手機入去影」。 

白名單師傅提醒： 

1. 石油氣公司會可能因未能抄錶或維修個錶而截氣。

2. 響圖中紅圈位置開個洞是一個折衷方案。

3. 改造L形門或轉角「對開」門亦是可考慮方案 。

4. 但要注意冇左側板是否夠力，除非重造L形底板。雖然唔係求求石油氣公司都會上門抄錶，但佢有權上門抄錶，所以發現問題最好都係解決佢，安心免煩！