IMG_ (12)

「Touch Mi鄭秀文世界巡迴演唱會」合共12場跨年演唱會,昨晚(12月21日)假紅館舉行第二場演唱會,全場爆滿,闊別紅館舞台5年的鄭秀文(Sammi)施展渾身解數,十多款精彩造型一個接一個亮相,令觀眾目不暇給。

IMG_ (1)

昨晚Twins阿Sa(蔡卓妍)前來捧場在VIP席又唱又跳,非常投入。而台上的特別嘉賓黃偉文(Wyman),穿上TEX SAVERIO的Sammi唱《輸得漂亮》時,從舞台特別效果設計的「紅地毡」迎接Wyman出場,手拖手和擁抱,之後Wyman笑說:「多謝Sammi介紹我出場,否則啲人以為阮兆祥做嘉賓!」全場爆笑,他又笑指Sammi以前人際關係差,所以來來去去都只是由他做嘉賓,說:「不過依家唔同即,交遊廣濶,所以話另一半幾重要呢,成個人變晒!」台下觀眾報以掌聲還大叫「安仔」(許志安),Sammi笑不攏咀,甜到漏!

趁Sammi到後台換衫的時候,口才出眾的Wyman獨霸舞台表演楝篤笑,他說:「我一生用好昂貴既代價去做一個有型既人...(全場笑聲)呢個唔係笑點嚟架,應該喊架!我付出咗咩代價呢?例如我碌盡一生既人情咭搞個紅館演唱會,為咗咩?為咗有型之嘛!又或者每年飛去歐洲睇時裝表演,我為咗有型之型之嘛!又或者我千辛萬苦,死都唔簽返TVB,有型囉,為咗唔畀機會佢哋要我做一個15點既節目!」全場笑聲和掌聲,他續說:「我就係一個咁著重有型既人,我同鄭秀文既電影故事開始啦,其實好短,因為我哋只係拍過一部電影...(台下觀眾大叫:《愛你愛到殺死你》)好記性!」他表示當時接到劇本一看就發現問題,說:「個角色名,我好唔鍾意!(台下觀眾大叫『奶媽』)嗱嗱嗱,就係嗰兩個字啦,今晚係唔可以講呢兩個字,我就係嚟洗底!」

IMG_ (8)

Wyman自言一生行有型,怎可以被這個角色名字破壞形象,於是他與導演理論和要求改名,但導演一意故行,更游說他:「當時導演話個角色只係嗌一次,2秒,煙消雲散,冇人察覺,當被鬼責!好,我拍。到首映當日,嗰段戲出咗場之後我去洗手間避一避風頭,完事臨離開洗手間之際,有個猥瑣男人對住我陰陰笑!」之後電影上映大收旺場,落畫後至今18年仍在全亞洲各電視台不斷重播,Wyman坦言早前在街上仍被人嗌這個名字,台下觀眾大叫「奶媽」,他認真地更正說:「冇奶架!好似係『契』架咋!不過我今日諗通咗,鄭秀文,呢個香港歷史上,甚至係全世界最有型既女歌手,都有型咗40幾年(笑聲)...咁有型既女歌手,揀電影拍檔都要有型,所以我欣然接受,從此大家喺街上見到我請大聲嗌呢兩個字...(台下觀眾大叫『奶媽』)係『有型』呀!」

IMG_ (6)

他介紹Sammi出場:「有請全宇宙最有型既女歌手...朱金梅(《愛你愛到殺死你》裏Sammi角色名字)!」全場爆笑。

IMG_ (10)

IMG_ (11)

 


 「Touch Mi鄭秀文世界巡迴演唱會」 「奶媽」Wyman任第2場嘉賓 (附圖輯)

 https://www.facebook.com/starshk