對比起男仔衫嘅款式，女仔嘅一向都比男仔多好多好多，仲要有女仔自己嘅風格嘅同時，女仔有時更可以有中性打扮，配搭一定比男仔多。而講到男仔可以著嘅正式禮服，男仔來來去去著得好睇嘅就只有西裝一款。雖然西裝比人個印象好似來來去去都係咁嘅款，但又唔知點解睇住著西裝嘅男人，又硬係覺得佢地特別有型。
究竟女仔點解會較為偏好著西裝嘅男仔嘅呢？日本最近就有網站邀請左女網友接受相關嘅問卷調查，唔知道你認唔認同以下呢5個理由呢？！
5. 平時好少會見到佢地著到咁正經，所以一著左出黎就覺得好吸引。
4. 解開領呔／打領呔嘅一刻，實在係太性感喇！
3. 著西裝嘅男仔感覺成熟穩重，好似非常可靠咁。
2. 西裝嘅男仔最有男人味。
1. 男仔著左西裝，身形會好睇好多。
啊講真，排名第1嘅原因真係幾正確，因為通常佢地著左西裝人個人睇上去就會筆直啲，無晒寒背、A字膊嘅負面感覺。
但最後講番句真話，以上嘅原因都係取決於「你的樣子如何」嘅者.....
