社交網絡、交友APPS嘅興起，令唔少男士都加入網上交友嘅行列，擴闊下自己嘅社交圈子。雖然上網同人吹下水，好似好容易無咩特別技巧咁，但其實如果你係用黎識女仔嘅話，原來有幾樣野係唔可以錯犯。
正所謂「一足失成千古恨」，如果因為講錯一句野而令到自己鐘意嘅對象憎左你，咁就真係好鬼無奈，浪費晒自己之前一番嘅心機喇！
上網識女仔唔可以犯嘅8項規條：
1. 剩係打個「Hi」字
好多巴打都會因為唔知點開口，就會直接用「Hi」黎同人講第一句野。上得網識人好心就唔好咁hea啦，人地一日都唔知見過呢個「Hi」字幾廿萬次，少你一個真係唔少囉！
2. 一開口就「靚女」前「靚女」後
「靚女，你做緊咩呀？」、「你咁靚，怕咩喎！」，成日開口埋口就叫人「靚女」，隔住個Mon喺老遠都知道你想點啦？如果你係想直接了當，玩完就算或者係可取嘅，但如果你係有心識人，就唔好可埋啲咁MK嘅對答嚇走人喇！
3. 等唔切回覆打「???」
發左個訊息比人人地唔未覆？有部分嘅男士會因為心急而打多個「???」或者「做咩唔覆我」send比人，其實每個人都有自己嘅私人時間，人地未覆嘅話自然有佢地嘅理由，唔需要逼人要即刻比答覆你。
4. 剩係答人「係」／「唔係」
對象同你傾計，但你嘅答覆剩係簡短嘅「係」同「唔係」，咁樣話題其實好難發展落去，而你嘅對象都會因為要獨自發掘新話題而感到非常吃力。久而久之覺得非常疲累，對象或者就會對你失去興趣，唔想再同你傾落去。
5. 唔好講自己唔鐘意咩嘅對象
「唔鐘意人痴纏」、「唔鐘意扮可愛嘅類型」，無錯咁樣寫上自己個頁面係非常直接，簡單易明，但對於其他人黎講，你咁寫反而會令人覺得你「看得自己那麼高」。做人做到咁挑剔，唔好唔記得你揀人時，人地都揀番你架咋！
6. 剩係喺個人頁面上寫身高
雖然身高可能真係你最大嘅優勢，但係如果你個交友頁面上面，只係得好少資料，基本上都唔會有人理你，因為比你更有趣嘅人真係多的是。如果你連描述自己少少都懶，唔肯花多少少時間，咁人地都想花時間喺你身上。
7. 用群體相做交友圖片
宜家你係要介紹自己比人認識，唔係介紹你嘅朋友比人地認識。同埋上得交友網站就係想識你，而唔係想玩搵番你出黎嘅呢個遊戲。無謂浪費大家時間了。
8. 用你同小朋友一齊影嘅合照
同小朋友一齊影嘅合照出現喺交友網站，好容易令人誤以為你有小朋友，咁女仔想識你嘅機會都會細左，因為現實中唔係個個人都準備要同有小朋友嘅男仔交往，一開始就心理準備要要成為小朋友嘅繼母。
