【糖水速遞】工廠都有得食靚靚甜品！ @ 荔枝角

荔枝角真的愈來愈旺， D2 Place 旺到開巷， 億利又有程班長坐鎮， 原來旁邊都竟然新開一點甜！！

得知有這間甜品店， 因為到北角食【Starwars雲吞雞】時，發現At Will的分店， 店員說:「總店荔枝角可以堂食，不過得三個位，但就有齊冷熱甜囉。」

其實，老仁家睇中熱食布甸($30) 及原盅椰皇湯丸($42)， 我:「真係即叫即開喎...…(SY:你又知)， 哥哥依家劈開個椰皇，(SY:我唔夠高， 睇唔到)」

店細細都有好處， 可以睇足整個製作過程， 原來做一個椰皇複雜得如此緊要。

又要煲奶， 又要煮湯丸， 再要開生粉水， 將椰蓋的椰肉切絲...…絶對望見也覺得頭暈眼花。

店員Choco:「所以叫椰皇最少要等10分鐘， 依個都算全舖頭最麻煩， 椰皇要有客叫先開， 如果開定係會臭嘅。」

鴛鴦湯丸。不吃花生的SY， 一口便吃了唯一的芝麻，「爸爸！ 花生我留返畀你，因為我唔鍾意...…(我:真係多謝晒)」

14度的天氣下， 嘆一個暖暖的椰皇湯丸，滿足到不得了。

又有小丸子，又夠香，又有椰肉，食完真心飽，不能看少這個椰皇的份量！

至於另一個熱食布甸，賣相夠靚， 略嫌未能成形，質地有似十足阿太點的大大碗楊枝甘露($32)

親眼看到Choco切了半個芒果入甜品， 阿太:「好食喎，真係好多料，不過真係好大碗。」

至於阿Ray推介的奶凍 ($32)， 吸引力不及朱古力木爆布甸 ($32)。

一邊嘆奶凍的阿囝， 本來對我說:「杯凍凍好似飲牛奶咁呀！ 好食呀！」(其實你乜都話好食㗎啦！)

但木糠布甸一來， 即時大叫:「係咪朱古力嚟架？」 我:「係木糠...(SY:我知， 即係朱古力餅整碎散吖麻， 爸爸！ 我想食依個多啲)」

這裡的甜品奶味好出，夠吸引，不過就在我準備離開時，發現在場有攝影師拍攝一些我在Menu找不到的甜品……

(點解嗰啲甜品咁靚？) Ray:「係呀！ 依啲得一份， 係用嚟影相咋，暫時未食得住，要星期三先有。」

士多啤梨奶凍、綠茶木糠布甸好吸引喎，早知我遲一個星期才過來啦。

(點解你哋得三個位咁少？) Ray:「因為我哋主力做外賣， 可以送去工廠同四小龍嗰邊， 一般OT幫襯多， 所以少人會坐係度食囉。」

(你哋咩最受歡迎？) Ray:「OL最鍾意梗係你頭先食個椰皇啦， 平均一日都賣50個」(梗係啦， 食完飽晒， 飯都唔駛食， Lunch都可以慳返)

隨心甜品 At Will Dessert
地址：長沙灣長沙灣道889號華創中心地下2號舖
逢星期日休息

大仁生活