【免費玩過山車】去玩去癲 ~VR真到暈 @銅鑼灣

今日行過銅鑼灣世貿，三星又有展覽，工作人員:「你試完我哋4樣新產品， 就可以去玩VR動感過山車。」

心諗:「我又唔夠膽玩真嘅過山車，VR就啱晒我E啲又要威，又要戴頭盔嘅仁啦。」所以9秒9立即衝入場。

絶對一年容易又出機...… S6， Note5，好似剛剛的事，原來S7已經上市。

工作人員還即場示範沙堆活埋手機活動，心諗:「5千幾蚊部機，畀我一定唔會塞入沙堆，防沙防水都係咁話」肉痛！！肉痛！！

話口未完， 轉頭佢又塞部機入水...…自然反應，捉緊我部Note5，話晒又唔防水，又唔防沙...…驚驚。

玩完沙玩完水，就走入黑房玩夜拍，老實說，我對我部Note的夜拍功能都很滿意...…

不過，只限於我未作比較之前...…

Jimmy解釋:「你睇埋我部S7有Dual Pixel， 加1.7大光圈先講啦。」

我跟Jimmy說:「真係唔講得笑！！兩部機只差半年，效果差咁遠嘅？你部機咁鬼光嘅」(S7 edge 32GB $5998)

除了S7， 還有Gear S2手錶，工作人員:「新一代個錶圈可以轉， (轉嚟做咩？)， 轉功能呀！」

(有咩功能？)， 工作人員:「來電， 訊息通知， 測心跳...…(我:係咪可以講電話架？) 暫時又未得住！」好彩我不習慣戴錶。

之後就是現時最流行的Gear360，即是一個乒乓波大小的儀器，內藏兩個可以拍攝190度角的鏡頭，所以兩個鏡頭就可以影足360環迴全境。

原來要配合指定apps，我部手機沒有安裝，所以出來的照片就變成了一張全景相，哈哈！我走了在左上角。

玩完所有項目，終於來到戲肉...…

十足十戲院一樣，戴上GearVR，坐上動魔椅，工作人員家樂說:「唔好以為唔驚喎，因為真係好真架」(係咪咁勁呀？)

GearVR開始播片，感覺似坐上戲院的第一排，壓迫感勁強烈。

望上，望下，左，右，真的360度清潔就如同坐在過山車一樣，慢慢上，極速衝落下，不是誇張，簡直玩過山車一模一樣...…

頭暈暈地，個心離完又離。

去玩去癲， 未必要去Ocean Park， 過來Samsung Studio一樣得。

GearVR過山車， 我玩咗兩次，刺激到可以的話，我唔想離開張凳添。

Samsung Galaxy Studio 體驗館
地址：銅鑼灣怡東廣場 (世貿廣場門外)
開放日期：3月11日至4月4日
開放時間：11:00 至 21:00

大仁生活