呢排天氣非常潮溼,好容易就令街上面嘅灰塵跟水點夾雜,黏上皮膚同埋頭髮上面,從而加重毛孔負擔,令兩者都失去原有光澤。更甚嘅係毛孔被阻隔嘅時候,面上嘅皮膚又會不期然地爆出一個又一個嘅火山口,無法排走毒素,情況令不少人都困擾。

對於上面嘅各種問題,澳洲著名嘅營養師最近就喺英國每日郵報上,分享左自己一直使用嘅天然美髮美肌療程,真係諗唔到原來只係普普通通、唾手可得嘅食材竟然都可以有效護理皮膚、頭髮嘅呢!

希臘乳酪製亮膚面膜▼

image

要令面容回復光澤,Jessica就推介大家採用天然嘅希臘乳酪,混合檸檬或牛油果製作面膜。此外,Jessica亦都建議製作西班牙鼠尾草杞子奶醋,從內到外修復皮膚。

蘋果醋踢走暗瘡

image

講到要趕走面上嘅暗瘡,面部光滑得有如雞蛋一樣嘅Jessica就表示應該使用天然嘅蘋果醋治理暗瘡。只要用棉花球沾上少少嘅蘋果醋,輕輕印上暗瘡表面,咁就能夠消毒去荳,亦都唔會令暗瘡喺面上留下疤痕。

冷榨椰子油改善髮質

image

來自澳洲的著名博客營養師Jessica Sepel喺接受傳媒訪問嘅時候提到,自己所採用嘅美容產品,一般都係有機以及天然的,正如佢每日嘅三餐一模一樣。對於有朋友覺得自己嘅頭髮非常粗糙,欠缺光澤,Jessica就建議可以嘗試用冷榨椰子油代替髮膜,為頭髮補充天然養分。

此外,Jessica亦都認為大家應該多吃牛油果、鮮魚、籽類食物,以及含有豐富蛋白質的雞肉、雞蛋及肉類。而綠色的蔬菜亦同樣有助提供所需礦物質予頭髮。

進食天然食品

image

最後,Jessica亦都重申最重要的是要進食天然及潔淨的食物,因為加工食品都係難以被人體分解的,容易令身體出現毛病,令膚色黯淡無光。對於奶類食品及糖分,Jessica亦認為要儘量避免,以免養成「問題肌膚」,應盡量進食綠色食品及攝取足夠的蛋白質。

來源:Daily Mail 英國《每日郵報》